ଜେଡିୟୁରେ ଫାଟ, ନୀତୀଶଙ୍କ ନୀତିକୁ ପ୍ରଶାନ୍ତ କିଶୋର, ପବନ ବର୍ମାଙ୍କ ବିରୋଧ
ଜେଡିୟୁରେ ଫାଟ, ନୀତୀଶଙ୍କ ନୀତିକୁ ପ୍ରଶାନ୍ତ କିଶୋର, ପବନ ବର୍ମାଙ୍କ ବିରୋଧ
admin
2027
ନୂଆଦିଲ୍ଲୀ: ବିବାଦୀୟ ନାଗରିକତା ସଂଶୋଧନ ବିଲ୍ (ସିଏବି) ପାଇଁ ଏବେ ନୀତୀଶ କୁମାରଙ୍କ ଜନତା ଦଳ (ୟୁନାଇଟେଡ୍)ରେ ମତଭେଦ ଦେଖାଦେଇଛି । ବିଲ୍କୁ ଜେଡିୟୁ ସମର୍ଥନ ଦେବା ଦ୍ୱାରା ଦଳର ବରିଷ୍ଠ ନେତା ପ୍ରଶାନ୍ତ କିଶୋର ଏବଂ ପବନ ବର୍ମା ତୀବ୍ର ଅସନ୍ତୋଷ ପ୍ରକାଶ କରିଛନ୍ତି । ଲୋକସଭାରେ ସିଏବି ଗୃହୀତ ହୋଇଥିଲା । ତେବେ ବିଲ୍କୁ ଜେଡିୟୁ ସମର୍ଥନ କରିବା ପରେ ପ୍ରଶାନ୍ତ କିଶୋର ଟ୍ୱିଟ୍ କରି ନିଜର ଅସନ୍ତୋଷ ପ୍ରକାଶ କରିଥିଲେ । ବରିଷ୍ଠ ଜେଡିୟୁ ନେତା ପବନ ବର୍ମା ମଧ୍ୟ ସିଏବି ନେଇ ଅସନ୍ତୋଷ ପ୍ରକାଶ କରିଛନ୍ତି । ଜେଡିୟୁର ଧର୍ମନିରପେକ୍ଷ ନୀତିକୁ ଏହା ବିରୋଧ କରୁଛି ଏବଂ ଏହି ବିଲ୍ ଅସାମ୍ବିଧାନିକ, ଭେଦଭାବପୂର୍ଣ୍ଣ ଏବଂ ଦେଶର ଏକତାକୁ ବିରୋଧ କରୁଛି ବୋଲି ସେ କହିଛନ୍ତି । ବିଲ୍ ସଂକ୍ରାନ୍ତରେ ଦଳର ନିଷ୍ପତ୍ତିକୁ ପୁନର୍ବିଚାର କରିବା ପାଇଁ ସେ ନୀତୀଶ କୁମାରଙ୍କୁ ଅନୁରୋଧ କରିଥିବା କହିଛନ୍ତି ।
