ଜାତୀୟ ଦଳ ପାଇବେନି ବହୁମତ: ନବୀନ
ଜାତୀୟ ଦଳ ପାଇବେନି ବହୁମତ: ନବୀନ
admin
2927
ସମ୍ବଲପୁର : କୁଚିଣ୍ଡାରେ ରବିବାର ଆୟୋଜିତ ନିର୍ବାଚନ ସଭାରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ନିଜର ଉଦବୋଧନ ଦେଇଛନ୍ତି। ସେ ନିଜର ଅଭିଭାଷଣରେ କହିଛନ୍ତି, କାଳିଆ ଯୋଜନାରେ ୪୦ ଲକ୍ଷ ଚାଷୀ ଉପକୃତ ହେଲେଣି। କିନ୍ତୁ କେନ୍ଦ୍ର ଏହାକୁ ବନ୍ଦ କରିବାକୁ ଚକ୍ରାନ୍ତ କରୁଛି। ମୁଁ ଥିବା ଯାଏଁ କେହି କାଳିଆ ଯୋଜନାକୁ ବନ୍ଦ କରିପାରିବେ ନାହିଁ। ଆମ ସରକାର ଆସିବାର ପ୍ରଥମ ଦିନ କାଳିଆ ଯୋଜନାର ଟଙ୍କା ଦୁଇଟି କିସ୍ତିରେ ଦିଆଯିବ। ବିଜେଡ଼ି ମହିଳାଙ୍କୁ ହକ ଦେଇଛି। ମିଶନ ଶକ୍ତି ମହିଳାଙ୍କୁ ସହାୟତା ଦେଉଛି। ଭୋଟ ସମୟ ଆସିବାରୁ କେନ୍ଦ୍ରୀୟ ନେତାମାନେ ଓଡ଼ିଶାକୁ ଆସୁଛନ୍ତି। ପ୍ରାକୃତିକ ବିପର୍ଯ୍ୟୟ ବେଳେ ସେମାନେ କୁଆଡ଼େ ଥିଲେ । କେନ୍ଦ୍ର ଅନୁସୂଚୀତ ଜାତି/ଜନଜାତି ବିଦ୍ୟାର୍ଥୀଙ୍କ ବୃତ୍ତି ଅର୍ଥ ବନ୍ଦ କଲେ। କୋଶଳୀ ଭାଷାକୁ ସାମ୍ବିଧାନିକ ମାନ୍ୟତା ଦେଲେ ନାହିଁ। ସାଢେ ଚାରିକୋଟି ରାଜ୍ୟବାସୀ ମୋର ପରିବାର। ଆପଣମାନେ ମତେ ଆଶୀର୍ବାଦ କରନ୍ତୁ। ଏଥର ବିଜେପି ବହୁତ କମ ଆସନ ପାଇବ, ସେଥିପାଇଁ ତାଙ୍କ ନେତାମାନେ ବିଭ୍ରାନ୍ତିକର କଥା କହୁଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି।
