ଚର୍ଚ୍ଚାରେ କାଜଲ

Mar 25, 2020 - 10:55 Updated: Mar 25, 2020 - 10:55

4266

ଦୁଇଟି କାରଣ ଯୋଗୁଁ ଏବେ କାଜଲ ଅଗ୍ରୱାଲ ଚର୍ଚ୍ଚାରେ । ପ୍ରଥମ, କମଲ ହାସନଙ୍କ ବହୁ ଚର୍ଚ୍ଚିତ ସୁପରହିଟ୍ ଫିଲ୍ମ ‘ଇଣ୍ଡିଆନ’ର ଦ୍ୱିତୀୟ ଭାଗରେ ସେ ମୁଖ୍ୟ ନାୟିକା ଭୂମିକାରେ ଅବତୀର୍ଣ୍ଣ । ମୂଳ ଫିଲ୍ମ ୧୯୯୬ ରେ ମୁକ୍ତିଲାଭ କରିଥିଲା । ସିକ୍ୱେଲ ‘ଇଣ୍ଡିଆନ-୨’ ଆସନ୍ତା ବର୍ଷ ମୁକ୍ତିଲାଭ କରିବ । ଦ୍ୱିତୀୟ ତାରକା ଟେନିସ ଖେଳାଳି ଲିଏଣ୍ଡର ପେସଙ୍କ ସହ ତାଙ୍କର ଅନ୍ତରଙ୍ଗତା । ଦୁହିଁଙ୍କ ସମ୍ପର୍କ କେତେ ଗଭୀରକୁ ଗଲାଣି, ଏ ବାବଦରେ କାଜଲ ବା ପେସ୍ କିଛି ସ୍ପଷ୍ଟ କରିନାହାନ୍ତି । ତେବେ ଅନେକ ସମୟରେ ସର୍ବସାଧାରଣରେ ଏକତ୍ର ଦେଖିବାକୁ ମିଳୁଥିବାରୁ ନାନା କଳ୍ପନା ଜଳ୍ପନା ପ୍ରକାଶ ପାଇଛି । ୨୦୧୯ରେ ଏକ ଚାଟ୍ ଶୋ ବେଳେ ଶୀଘ୍ର ବିବାହ କରିବେ ବୋଲି କାଜଲ କହିଥିଲେ । ହେଲେ କାହାକୁ ଏବଂ କେବେ ଜଣାଇ ନଥିଲେ । ଖାଲି କହିଥିଲେ, ଏବେ ଯୋଜନା କରୁଛନ୍ତି ଏବଂ ତାଙ୍କର ଲୋଡ଼ା ଜଣେ ଆଧ୍ୟାତ୍ମିକ ସଫଳ ଏବଂ ତାଙ୍କୁ ସ୍ନେହ କରୁଥିବା ପୁରୁଷ । ଆଉ ସେ ଫିଲ୍ମ ଜଗତର ହୋଇ ନଥିବେ । କାଜଲ ଏବେ ଏକ ସଙ୍ଗେ ପାଞ୍ଚଟି ଫିଲ୍ମରେ କାମ କରୁଛନ୍ତି । ତା ଭିତରେ ଅଛି ଗୋଟିଏ ହଲିଉଡ଼ ଓ ଗୋଟିଏ ହିନ୍ଦୀ ଫିଲ୍ମ; ଅବଶିଷ୍ଟ ଦକ୍ଷିଣୀ ।