ଚନ୍ଦ୍ରଗୁପ୍ତ ମୌର୍ଯ୍ୟଙ୍କ ଉପରେ ନଜର
ଚନ୍ଦ୍ରଗୁପ୍ତ ମୌର୍ଯ୍ୟଙ୍କ ଉପରେ ନଜର
admin
4413
ମେଷ ପାଳନକୁ ମୌର୍ଯ୍ୟ ସାମ୍ରାଜ୍ୟର ପ୍ରତିଷ୍ଠାତା ଭାବେ ଖ୍ୟାତି ଅର୍ଜନ କରିଥିବା ସମ୍ରାଟ ଚନ୍ଦ୍ରଗୁପ୍ତଙ୍କ ମୌର୍ଯ୍ୟଙ୍କ ଉପରେ ଏକ ଫିଲ୍ମ ନିର୍ମାଣ କରିବାର ଇଚ୍ଛାକୁ ଲୋକଲୋଚନକୁ ଆଣିଛନ୍ତି ବଲିଉଡ଼ କୁଇନ କଙ୍ଗନା ରାଣାୱତ । ଫିଲ୍ମ ଇଣ୍ଡଷ୍ଟି୍ର ଆମ ଇତିହାସକୁ ଯଥେଷ୍ଟ ନ୍ୟାୟ ଦେଇପାରିନାହିଁ ବୋଲି ସେ କହନ୍ତି । ନିକଟରେ ପାଟନାରେ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଯାଇଥିବା କଙ୍ଗନା ଏ ବିଷୟରେ ମିଡିଆକୁ ସୂଚନା ଦେଇଛନ୍ତି । କାର୍ଯ୍ୟକ୍ରମକୁ ଅଭିନେତାରୁ ରାଜନେତା ହୋଇଥିବା ରବି କିଶାନଙ୍କ ସହ ଏକ ଭୋଜପୁରୀ ଗୀତରେ ନୃତ୍ୟ ମଧ୍ୟ କରିଛନ୍ତି । ୨୦୧୯ ରେ ମୁକ୍ତିପ୍ରାୟ ଚଳଚ୍ଚିତ୍ର ‘ମଣିକର୍ଣ୍ଣିକା’ ରେ ଝାନସୀ ରାଣୀ ଲକ୍ଷ୍ମୀବାଈଙ୍କ ଭୂମିକା ନିର୍ବାହ କରିଥିବା କଙ୍ଗନାଙ୍କୁ ଅନେକ ପ୍ରଶ୍ନ ଏ ଅବସରରେ ପଚରାଯାଇଥିଲା । ବିହାର ପୃଷ୍ଠଭୂମି ଉପରେ ଯଦି କୌଣସି ଐତିହାସିକ ଫିଲ୍ମ ନିର୍ମାଣ ଅବସର ମିଳେ ତେବେ ତାହା ଚନ୍ଦ୍ରଗୁପ୍ତ ମୌର୍ଯ୍ୟ ହେବ ବୋଲି କଙ୍ଗନା କହିଛନ୍ତି । ୩ ଜାତୀୟ ପୁରସ୍କାର ବିଜୟିନୀ ଏହି ସୁନ୍ଦରୀ ନିକଟରେ ପ୍ରଯୋଜନା କ୍ଷେତ୍ରରେ ପାଦ ଥାପିଛନ୍ତି । ତାଙ୍କ ଦ୍ୱାରା ପ୍ରାଯୋଜିତ ପ୍ରଥମ ଫିଲ୍ମ ଅଯୋଧ୍ୟା ରାମ ମନ୍ଦିର ଉପରେ ଆଧାରିତ ହେବ । ଏବେ ଅପକମିଂ ବାୟୋପିକ ‘ଥଲାଇଭି’ ସୁଟିଂରେ ସେ ବ୍ୟସ୍ତ ଅଛନ୍ତି । ଫିଲ୍ମ ପାଇଁ ଜୋରଦାର ପ୍ରସ୍ତୁତିି ଚଳାଇଛନ୍ତି । ସ୍ୱର୍ଗତ ତାମିଲନାଡୁ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜୀବନୀକୁ ପରଦାରେ ଉତାରିବା ପାଇଁ କଙ୍ଗନା ନିଜର ଓଜନ ବଢ଼ାଇଛନ୍ତି । ଏଥିସହ ତାଙ୍କ ସିନେଲିଷ୍ଟରେ ରହିଛି ‘ପଙ୍ଗା’ । ଏହା ଏକ ଫ୍ୟାମିଲି ଡ୍ରାମା ।
