ଅରବାବ ଖିଜର ହୟାତ ଖୋଜୁଛନ୍ତି ହେଭିୱେଟ ପତ୍ନୀ
ଅରବାବ ଖିଜର ହୟାତ ଖୋଜୁଛନ୍ତି ହେଭିୱେଟ ପତ୍ନୀ
admin
4060
ପାକିସ୍ତାନର ସବୁଠୁ ଓଜନଦାର ଭାରୋତ୍ତୋଳନକାରୀ ୨୭ ବର୍ଷୀୟ ଅରବାବ ଖିଜର ହୟାତ ଏବେ ନିଜ ପାଇଁ ଜଣେ ହେଭିୱେଟ୍ ପତ୍ନୀ ଖୋଜୁଛନ୍ତି । ଏବେ ସୁଦ୍ଧା ୩୦୦ ଝିଅଙ୍କୁ ସେ ପ୍ରତ୍ୟାଖ୍ୟାନ କରିସାରିଲେଣି । ହୟାତଙ୍କ କହିବାନୁସାରେ ଆଶୟୀ ଝିଅମାନେ ତାଙ୍କଠାରୁ ବହୁତ ଛୋଟ ଥିଲେ । ୪୪୪ କିଲୋ ଓଜନ ବିଶିଷ୍ଟ ହୟାତଙ୍କ ଉଚ୍ଚତା ୬ ଫୁଟ ୬ ଇଞ୍ଚ । ତେଣୁ ୬ ଫୁଟ ୪ ଇଞ୍ଚର ଜୀବନସାଥୀ ହେଲେ, ଉଭୟଙ୍କ ମ୍ୟାଚିଂ ପରଫେକ୍ଟ ହେବ ବୋଲି ହୟାତ କହିଛନ୍ତି । ତାଙ୍କ ପାଇଁ ଦିନକୁ ୧୦ ହଜାର କ୍ୟାଲୋରୀଯୁକ୍ତ ଖାଦ୍ୟ ପ୍ରସ୍ତୁତ କରିପାରୁଥିବା ଜଣେ ଭଲ ରାନ୍ଧୁଣୀଙ୍କ ଅନ୍ୱେଷଣରେ ସେ ଅଛନ୍ତି । ହୟାତ ପ୍ରତିଦିନ ସକାଳେ ୩୬ଟି ଅଣ୍ଡା ଖାଆନ୍ତି । ଦିନ ତମାମ ୩ କିଲୋ ମାଂସ ଏବଂ ଭାତ ଓ ରୁଟି ସହିିତ ୫ ଲିଟର କ୍ଷୀର ପିଅନ୍ତି । ଏତେ ମାତ୍ରାରେ ଖାଦ୍ୟ ଖାଇବା ସତ୍ତ୍ୱେ ସେ ଫିଟ୍ ଅଛନ୍ତି ଏବଂ ନିଜ ଓଜନକୁ ନେଇ ସମ୍ପୂର୍ଣ୍ଣ ସନ୍ତୁଷ୍ଟ ଅଛନ୍ତି ବୋଲି ସେ କହିଛନ୍ତି । ତାଙ୍କର କୌଣସି ସ୍ୱାସ୍ଥ୍ୟ ସମସ୍ୟା ମଧ୍ୟ ନାହିଁ । ଏହାର କାରଣ ସେ ନିୟମିତ ବ୍ୟାୟାମ କରୁଛନ୍ତି । ବିଶ୍ୱର ସବୁଠୁ ବଳିଷ୍ଠ ବ୍ୟକ୍ତିର ଟାଇଟଲ ହାସଲ କରିବାକୁ ସେ ମାତ୍ରାଧିକ ଖାଉଛନ୍ତି । ଭାରୋତ୍ତୋଳନ ଓ ଷ୍ଟ୍ରଙ୍ଗମ୍ୟାନ ଚାମ୍ପିୟନ ସିପ କ୍ଷେତ୍ରରେ ପାଦ ଥାପିବାକୁ ନିଷ୍ପତ୍ତି ନେଇ ପିଲାଦିନେ ହୟାତ ଓଜନ ବଢ଼ାଇବା ଆରମ୍ଭ କରିଥିଲେ । ସ୍ଥାନୀୟ ଲୋକେ ତାଙ୍କୁ ବିଶ୍ୱର ସବୁଠୁ ବଳିଷ୍ଠ ବ୍ୟକ୍ତି ବୋଲି ସମ୍ବୋଧନ କରୁଛନ୍ତି । ପାକିସ୍ତାନରେ ସେ କୌଣସି ସେଲିବି୍ରଟିଙ୍କ ଠାରୁ କମ୍ ନୁହନ୍ତି । ତାଙ୍କୁ ଦେଖିବାକୁ ଓ ତାଙ୍କ ସହ ସେଲଫି ନେବାକୁ ପ୍ରତିଦିନ ହୟାତଙ୍କ ଘର ସାମ୍ନାରେ ଲୋକଙ୍କ ପ୍ରବଳ ଭିଡ଼ ଜମୁଛି ।
