କୋଭିଡ ଭଲ କରିବ ଭାରତ-ଆମେରିକୀୟ ଛାତ୍ରୀଙ୍କ ଆବିଷ୍କାର !
କୋଭିଡ ଭଲ କରିବ ଭାରତ-ଆମେରିକୀୟ ଛାତ୍ରୀଙ୍କ ଆବିଷ୍କାର !
admin
2840
ୱାସିଂଟନ: କରୋନା ମୁକାବିଲା ପାଇଁ ଫଳପ୍ରଦ ଟିକାର ବିକାଶ କରିବା ପାଇଁ ବିଶ୍ୱ ତମାମ ଗବେଷକମାନେ ଅହରହ ଉଦ୍ୟମ ଜାରି ରଖିଥିବା ବେଳେ ସେ ପ୍ରଶ୍ନର ଉତ୍ତର ଖୁବ ଶୀଘ୍ର ମିଳିଯାଇପାରିବ ବୋଲି ଆଶା କରାଯାଏ । ଟେକ୍ସାସରେ ରହୁଥିବା ୧୪ ବର୍ଷୀୟା ଭାରତ-ଆମେରିକୀୟ ସ୍କୁଲ ଛାତ୍ରୀ ଅନିକା ଚେବ୍ରଲୁଙ୍କ ବିରଳ ଆବିଷ୍କାର ଏକ ସଫଳ ଉପଚାର ପ୍ରକି୍ରୟା ଆଣିବାର ସମ୍ଭାବନା ସୃଷ୍ଟି କରିଛି । ସେ କମ୍ପୁ୍ୟଟର ପଦ୍ଧତିକୁ ଅନୁସରଣ କରି ଏକ ବିରଳ ସୀସା ଅଣୁ ଆବିଷ୍କାର କରିଛନ୍ତି ଯାହା ସାର୍ସ କୋଭ-୨ ର ସ୍ପାଇକ ପ୍ରୋଟିନକୁ ସଫଳତା ସହ ବାନ୍ଧି ପାରିବ ବୋଲି କୁହାଯାଉଛି । ଫଳରେ ଭୂତାଣୁର ଆଉ ଅଧିକ ଅଭିବୃଦ୍ଧି ଘଟିବ ନାହିଁ, ସୁତରାଂ ତାହାର ସଂକ୍ରମଣ ସେଇଠି ଅନ୍ତ ଘଟିବ । ଏହି ନିଆରା ଆବିଷ୍କାର ପାଇଁ ଅନିକା ୨୦୨୦ ମସିହାରେ ୩ଏମ ଯୁବ ବୈଜ୍ଞାନିକ ଚ୍ୟାଲେଞ୍ଜକୁ ବାଜି ମାରିନେବା ସହ ୨୫ ହଜାର ଡଲାର ପୁରସ୍କାର ରାଶି ହାସଲ କରିଛନ୍ତି । କୋଭିଡର ମୁକାବିଲା ପାଇଁ କୌଣସି ଉପଯୁକ୍ତ ଟିକା କିମ୍ବା ସଫଳ ଉପଚାର ପ୍ରକି୍ରୟା ବାହାର କରିବାରେ ବିଶେଷଜ୍ଞମାନେ ବ୍ୟସ୍ତ ରହିଥିବା ବେଳେ ସେ ଓ ଦାଙ୍କ ଦିଗଦର୍ଶକ ମିଶି କରୋନା ଭୂତାଣୁ ପାଇଁ ଏପରି ଏକ ଭିନ୍ନ ଉପାୟ ଖୋଜିଥିଲେ ବୋଲି ଅନିକା କହିଛନ୍ତି ।
