କୁଲର ପାଇଁ ବାପାଙ୍କୁ ହତ୍ୟା, କୁଳାଙ୍ଗାର ପୁଅ ଅଟକ
କୁଲର ପାଇଁ ବାପାଙ୍କୁ ହତ୍ୟା, କୁଳାଙ୍ଗାର ପୁଅ ଅଟକ
admin
5588
ନୂଆପଡ଼ା: ସାମାନ୍ୟ ଏକ ଏୟାର କୁଲର ପାଇଁ ବାପା ଓ ପୁଅ ମଧ୍ୟରେ ଝଗଡ଼ା ହୋଇଥିଲା । ଶେଷରେ ଏକ କୁଲର ପାଇଁ କାଠ ଫାଳିଆରେ ବାପା ଆକ୍ରମଣ କରି ହତ୍ୟା କରିଛି ପୁଅ । ଏଭଳି ଏକ ସ୍ପର୍ଶକାତର ଘଟଣା ନୂଆପଡ଼ା ଜିଲ୍ଲା ଧରମବନ୍ଧା ଥାନା ଆମାନାରା ଗାଁରେ ଆଲୋଡ଼ନ ସୃଷ୍ଟି କରିଛିି । ଏବେ ଧରମବନ୍ଧା ପୁଲିସ ଥାନାରେ ହତ୍ୟା ମାମଲା ରୁଜୁ କରି ଅଭିଯୁକ୍ତ ପୁଅକୁ ଅଟକ ରଖିଛି । ପୁଲିସ ସୂଚନା ଅନୁସାରେ ଆମାନାରା ଗାଁରେ ନିଜ ପୁରୁଣା ଘରେ ଭୈରୋ ଲୋହାର (୫୫) ବୃଦ୍ଧାମା’ ସହ ରହୁଥିଲେ । ବଜାରପଡ଼ାସ୍ଥିତ ନବ ନିର୍ମିତ ଆବାସ ଗୃହରେ ପୁଅ ଦିଗମ୍ବର ସ୍ତ୍ରୀ ପିଲାଛୁଆ ସହ ରହୁଥିଲେ । ଗତକାଲି ପୁଅ ଦିଗମ୍ବରଙ୍କ ଏୟାର କୁଲର ଅଚଳ ହୋଇପଡ଼ିଥିଲା । ମଧ୍ୟାହ୍ନରେ ଦିଗମ୍ବର ବାପାଙ୍କ ଘରକୁ ଯାଇ ସେଠାରେ ଥିବା ଏକ ପୁରୁଣା ଏୟାର କୁଲକୁ ନିଜ ନୂଆ ଘରକୁ ନେଇ ଆସିଥିଲେ । କିଛି ସମୟ ପରେ ବାପା ପୁଅ ଘରକୁ ଆସି ତାଙ୍କ କୁଲର କାହିଁକି ଆଣିଛୁ ବୋଲି ଯୁକ୍ତି କରିଥିଲେ । ବାପା ଭୈରୋ ଓ ପୁଅ ଦିଗମ୍ବର ମଧ୍ୟରେ ଏୟାର କୁଲରକୁ ନେଇ କଳି ଝଗଡ଼ା ହୋଇଥିଲା । ବାପା ଏକ କାଠ ଫାଳିଆ ଧରି ପୁଅକୁ ମାରିବାକୁ ଧାଇଁ ଆସିଥିଲେ । ଏହି ସମୟରେ ପୁଅ ବାପାଙ୍କ ଠାରୁ କାଠ ଫାଳିଆକୁ ଛଡ଼ାଇ ଫିଙ୍ଗି ଦେଇଥିଲେ । ପରେ ପୁଅ ଉତ୍ତ୍ୟକ୍ତ ହୋଇ ଆଉ ଏକ କାଠ ଫାଳିଆରେ ନିଜ ବାପାଙ୍କୁ ଆକ୍ରମଣ କରିଥିଲେ । ଏଥିରେ ଭୈରୋଙ୍କ ମୁଣ୍ଡରେ ଗଭୀର କ୍ଷତ ହେବାରୁ ରକ୍ତସ୍ରାବ ହୋଇଥିଲା । ଘଟଣା ସ୍ଥଳରେ ମୃତୁ୍ୟ ହୋଇଥିଲା । ଧରମବନ୍ଧା ପୁଲିସ ଶବ ବ୍ୟବଚ୍ଛେଦ ପାଇଁ ପଠାଇ ଅଭିଯୁକ୍ତ ପୁଅକୁ କାବୁ କରିଥିଲେ ।
