କରୋନା ଦ୍ୱିତୀୟ ଢେଉ : ରାଜ୍ୟରେ ଆଜି ୨୯୮୯ ନୂଆ କରୋନା ପଜିଟିଭ ଚିହ୍ନଟ
କରୋନା ଦ୍ୱିତୀୟ ଢେଉ : ରାଜ୍ୟରେ ଆଜି ୨୯୮୯ ନୂଆ କରୋନା ପଜିଟିଭ ଚିହ୍ନଟ
admin
5532
ଭୁବନେଶ୍ୱର: କରୋନା ଦ୍ୱିତୀୟ ଢେଉ ବହୁତ ଜୋରେ ମାଡି ଆସୁଛି । କରୋନା ସଂକ୍ରମଣ ବୃଦ୍ଧି ରାଜ୍ୟରେ ମଧ୍ୟ ବଢି ଚାଲିଛି । ରାଜ୍ୟରେ କରୋନା ଦ୍ୱିତୀୟ ଲହରୀ ଆରମ୍ଭ ହୋଇଗଲା । ରାଜ୍ୟରେ କରୋନା ସଂକ୍ରମଣ ସଂଖ୍ୟା ବଢିବାରେ ଲାଗିଛି । ରାଜ୍ୟର କରୋନା ଗ୍ରାଫ୍ ଉପର ମୁହାଁରେ ଚାଲିଛି । କରୋନା ଲେଉଟାଣି କୋପ ଭୟଙ୍କର ହେଲାଣୀ । ଦିନକୁ ଦିନ କରୋନା ମାଡି ମାଡି ଚାଲିଛି । ଦିନକରେ ୨୯୮୯ ନୂଆ କରୋନା ରୋଗୀ ଚିହ୍ନଟ ହୋଇଛନ୍ତି । ପଜିଟିଭ ସଂଖ୍ୟା ଡରାଉଥିବା ବେଳେ ବି୍ରଟେନ୍ ଷ୍ଟ୍ରେନ୍ ଓଡିଶା ଆସି ସାରିଛି । ୨୯୮୯ ମଧ୍ୟରୁ କ୍ୱାରେଂଟିନରୁ ୧୭୩୩, ଲୋକାଲ କେସରୁ ୧୨୫୬ ଚିହ୍ନଟ ହୋଇଛନ୍ତି । ସୁନ୍ଦରଗଡ ଜିଲ୍ଲରୁ ସର୍ବାଧିକ ୬୩୧ ପଜିଟିଭ ଚିହ୍ନଟ ହୋଇଛନ୍ତି । ଖୋର୍ଦ୍ଧା-୪୩୮, କଳାହାଣ୍ଡି-୨୬୦ , କଟକ-୨୦୮, ନୂଆପଡା -୧୫୧, ସମ୍ବଲପୁର-୧୪୮, ବରଗଡ-୧୨୬, ବାଲେଶ୍ୱର-୮୩ , ବଲାଙ୍ଗିର-୧୧୦ , ନବରଙ୍ଗପୁର-୪୩ , ପୁରୀ-୧୧୨, ଷ୍ଟେଟପୁଲ-୯୪, ଗଞ୍ଜାମ-୬୩, ମୟୂରଭଞ୍ଜ-୩୮, କେନ୍ଦୁଝର-୭୭, ଅନୁଗୁଳ-୬୫, ଝାରସୁଗୁଡା-୫୫ ,ଯାଜପୁର-୫୧, ଜଗତସିଂହପୁର-୨୪, ଗଜପତି-୧୫, ରାୟଗଡା-୨୭, କେନ୍ଦ୍ରାପଡା-୧୧, ଭଦ୍ରକ-୩୪, ଦେବଗଡ-୨୩, କନ୍ଧମାଳ-୮, ନୟାଗଡ-୧୨, କେରାପୁଟ-୧୪, ମାଲକାନଗିରି-୨ , ସୁବର୍ଣ୍ଣପୁର-୬, ଓ ଢେଙ୍କାନାଳ-୨୧, ବୌଦ୍ଧ-୧୦ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୫୮ ହଜାର ୩୪୨ କୁ ବୃଦ୍ଧି ପାଇଛି । ରାଜ୍ୟରେ ସକ୍ରିୟ ରୋଗୀ ସଂଖ୍ୟା ୧୪,୬୨୧ ଉପରେ ରହିଛି । ସେହିପରି ରାଜ୍ୟରୁ ୩ ଲକ୍ଷ ୪୧ ହଜାର ୭୩୩ ଆକ୍ରାନ୍ତ ସୁସ୍ଥ ହେଲେଣି । ଏନେଇ ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।
