କମଳାଙ୍କୁ ‘ନୀଚ’, ‘ଭୟାନକ’ ଓ ‘ମର୍ଯ୍ୟାଦାହୀନ’ କହିଲେ ଟ୍ରମ୍ପ
କମଳାଙ୍କୁ ‘ନୀଚ’, ‘ଭୟାନକ’ ଓ ‘ମର୍ଯ୍ୟାଦାହୀନ’ କହିଲେ ଟ୍ରମ୍ପ
admin
2010
ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଡେମୋକ୍ରାଟିକ ଦଳର ଉପରାଷ୍ଟ୍ରପତି ପ୍ରାର୍ଥୀ କମଳା ହେରିସଙ୍କ ଉପରେ ତୀବ୍ର ଆକ୍ରମଣାତ୍ମକ ଶବ୍ଦ ପ୍ରୟୋଗ କରି ତାଙ୍କୁ ଅତି ‘ନୀଚ’, ‘ଭୟାନକ’ ଓ ‘ମର୍ଯ୍ୟାଦାହୀନ’ ବୋଲି କହିଛନ୍ତି । ଏବଂ ଡେମୋକ୍ରାଟିକ ଦଳର ରାଷ୍ଟ୍ରପତି ପ୍ରାର୍ଥୀ ଜୋ ବାଇଡେନ ଯେଭଳି ଉପାୟରେ ଉପରାଷ୍ଟ୍ରପତି ପ୍ରାର୍ଥୀ ଘୋଷଣା କରିଛନ୍ତି ତାହା ଆମେରିକାବାସୀଙ୍କୁ କ୍ଷୁବ୍ଧ କରିଛି ବୋଲି ଟ୍ରମ୍ପ କହିଛନ୍ତି । ଆମେରିକା ସିନେଟରେ କମଳା ହେରିସଙ୍କ କାର୍ଯ୍ୟ ଏବଂ ଚିନ୍ତାଧାରା ନିତାନ୍ତ ସଂକୀର୍ଣ୍ଣ ପ୍ରମାଣିତ ହୋଇସାରିଛି ଏବଂ ସେ ସବୁବେଳେ ମିଛ କହନ୍ତି ବୋଲି ଟ୍ରମ୍ପ କହିଛନ୍ତି । ହେରିସଙ୍କ କଥାରେ ସାମାନ୍ୟତମ ସତ୍ୟତା ନଥାଏ ଏବଂ ଲୋକଙ୍କୁ ବୋକା ବନାଇବା ପାଇଁ ସେ ସର୍ବଦା କାହାଣୀ କହନ୍ତି । ଟ୍ରମ୍ପ ଦାବି କରିଛନ୍ତି ଯେ, କମଳା ହେରିସ ଆମେରିକାର ସ୍ୱାସ୍ଥ୍ୟ ସେବା ଯୋଜନାକୁ ହଟାଇବାକୁ ଚାହିଦା ସହ ଟିକସ ବୃଦ୍ଧି କରିବାକୁ ଚାହିଁଛନ୍ତି । ତାଙ୍କୁ ଉପରାଷ୍ଟ୍ରପତି ପ୍ରାର୍ଥୀ କରାଯିବା ଦ୍ୱାରା ମୋ ପାଇଁ ନିର୍ବାଚନ ଜିତିବା ସହଜ ହେବ ବୋଲି ସେ କହିଛନ୍ତି । କିନ୍ତୁ ଏସବୁ ମଧ୍ୟରେ ଏକ ଦ୍ୱନ୍ଦ୍ୱ ବଢ଼ିଯାଇଛି । ଭାରତୀୟ ଭୋଟରଙ୍କ ମଧ୍ୟରେ ବଡ଼ ବିଭାଜନ ହୋଇପାରେ ବୋଲି ଆଶଙ୍କା ଉପୁଜିଛି ।
