ଆଶ୍ଚର୍ଯ୍ୟ : ଅନ୍ତିମ ସଂସ୍କାର ପରେ ଜୀବନ୍ତ ଫେରିଲେ
ଆଶ୍ଚର୍ଯ୍ୟ : ଅନ୍ତିମ ସଂସ୍କାର ପରେ ଜୀବନ୍ତ ଫେରିଲେ
admin
4719
ମଧ୍ୟପ୍ରଦେଶର ବଡୌଦାରୋ ଘଟିଥିବା ଏକ ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଏଠାରେ ଜଣେ ବ୍ୟକ୍ତିଙ୍କର ଅନ୍ତିମ ସଂସ୍କାର ସାରି ପରିବାର ଲୋକ ଘରକୁ ଫେରିବା ପରେ ବ୍ୟକ୍ତି ଜଣକ ଜୀବନ୍ତ ଭାବେ ଘରକୁ ଫେରିଛନ୍ତି । ଯାହାକୁ ଦେଖି ପରିବାର ଲୋକ ଯେତିକି ଖୁସି ହୋଇଛନ୍ତି ତା’ଠାରୁ ଅଧିକ ଆଶ୍ଚର୍ଯ୍ୟ ହୋଇଛନ୍ତି । ସୂଚନା ମୁତାବକ, ସ୍ଥାନୀୟ ପୁଲିସକୁ ଏକ ମୃତଦେହ ମିଳିଥିଲା । ପୁଲିସ ଏହି ମୃତଦେହର ଫଟୋ ସୋସିଆଲ ମିଡିୟାରେ ଜାରି କରି ଏହାର ପରିଚୟ ଜାଣିବାକୁ ପାଇଥିଲେ । ବଣ୍ଟି ଶର୍ମା ନାମକ ଜଣେ ବ୍ୟକ୍ତି ଫଟୋରେ ଥିବା ବ୍ୟକ୍ତିଙ୍କୁ ନିଜର ଭାଇ ବୋଲି ଦାବି କରି ମୃତଦେହକୁ ସାଙ୍ଗରେ ନେଇ ବିଧି ମୁତାବକ ଶବସକ୍ରାର କରିଥିଲେ । ବଣ୍ଟିଙ୍କର ଭାଇ ୫ ଦିନ ହେବ ନିଖୋଜ ଥିବାରୁ ତଥା ତାଙ୍କର ମାନସିକ ସ୍ଥିତି ଭଲ ନଥିବାରୁ ତାଙ୍କର ମୃତୁ୍ୟ ହୋଇଥିବା ସେ ସନେ୍ଦହ କରିଥିଲେ । ମୃତ ବ୍ୟକ୍ତିଙ୍କ ଚେହେରା ସହ ତାଙ୍କ ଭାଇଙ୍କର ଚେହେରା ମଧ୍ୟ ମେଳ ଖାଉଥିବା ସେ ପୁଲିସକୁ ଦେଖାଇଥିବା ଆଧାରକାର୍ଡରୁ ଜଣାପଡ଼ିଥିଲା । ଏଣୁ ପୁଲିସ ତାଙ୍କୁ ମୃତଦେହ ହସ୍ତାନ୍ତର କରିଥିଲା । କିନ୍ତୁ ବାସ୍ତବରେ ବଣ୍ଟିଙ୍କ ଭାଇ ଜୀବିତ ଥିଲେ ଓ ଶବ ସକ୍ରାର କରିବା ପରେ କିଛି ଘଣ୍ଟାରେ ଘରକୁ ଫେରିଥିଲେ । ସେ ପୁଲିସ ନିକଟରେ ଏହା ଜଣାଇବାରୁ ପୁଲିସ ପୁଣି ଥରେ ମୃତ ବ୍ୟକ୍ତିଙ୍କ ପରିଚୟ ସନ୍ଧାନ କରିବା ଆରମ୍ଭ କରିଥିଲେ । ପରେ ପୁଲିସ ଜାଣିବାକୁ ପାଇଥିଲେ ଯେ ମୃତଦେହଟି ପ୍ରକୃତରେ ବଣ୍ଟିଙ୍କର ଭାଇର ନୁହେଁ ବରଂ ଭୀମଲତ ଗ୍ରାମରେ ରହୁଥିବା ରାମକୁମାର ଆଦିବାସୀଙ୍କର ଥିଲା ।
