ଆମ୍ବୁଲାନ୍ସ ଦର ସରକାର ନିର୍ଦ୍ଧାରଣ କଲେ, କେଉଁ ଆମ୍ବୁଲାନ୍ସ ପାଇଁ କେତେ ଦର ଜାଣନ୍ତୁ
ଆମ୍ବୁଲାନ୍ସ ଦର ସରକାର ନିର୍ଦ୍ଧାରଣ କଲେ, କେଉଁ ଆମ୍ବୁଲାନ୍ସ ପାଇଁ କେତେ ଦର ଜାଣନ୍ତୁ
admin
6434
ଭୁବନେଶ୍ୱର: ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି । ବଢୁଛି କରୋନାର କାୟା । ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ତେବେ ଏହି ମହାମାରୀ ସମୟରେ ଆକ୍ରାନ୍ତଙ୍କୁ ହସ୍ପିଟାଲ ନେବା ଓ ସୁସ୍ଥ ହେବା ପରେ ଘରକୁ ଆଣିବା ପାଇଁ ଆମ୍ବୁଲାନ୍ସଚାଳକମାନେ ନିଜର ମନମାନୀ କରୁଛନ୍ତି । ନିଜ ଇଚ୍ଛା ମୁତାବକ ଦର କହୁଛନ୍ତି ଆମ୍ବୁଲାନ୍ସ ଚାଳକ । ଯାହାକୁ ଦୃଷ୍ଟି ରଖି ଆଜି ସରକାରଙ୍କ ପକ୍ଷରୁ ଆମ୍ବୁଲାନ୍ସ ଦର ନିର୍ଦ୍ଧାରଣ କରାଯାଇଛି । ଘରୋଇ ହସ୍ପିଟାଲ ଓ ଘରୋଇ ଆମ୍ବୁଲାନ୍ସ ପାଇଁ ଦର ନିର୍ଦ୍ଧାରଣ କରାଯାଇଛି । ଦର ନିର୍ଦ୍ଧାରଣ ନେଇ ରାଜ୍ୟ ପରିବହନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି । ପ୍ରଥମ ୧୦ କିମି ପାଇଁ ଦର ନିର୍ଦ୍ଧାରଣ କରାଯାଇଛି । ତେବେ କେଉଁ ଆମ୍ବୁଲାନ୍ସ ପାଇଁ କେତେ ଦର ସେ ସମ୍ପର୍କରେ ଜାଣନ୍ତୁ:
୧- ମାରୁତି ଓମିନି ଭଳି ଛୋଟ ଆମ୍ବୁଲାନ୍ସରେ ୧୦ କିମି ମଧ୍ୟରେ ଭଡ଼ା ୭୫୦ ଟଙ୍କା
୨- ସାଧାରଣ ଲାଇଫ ସପୋର୍ଟ ସିଷ୍ଟମ ଥିବା ଛୋଟ ଆମ୍ବୁଲାନ୍ସ ୧୦ କିମିକୁ ୧୦୦୦
୩- ବୋଲେରୋ ଭଳି ମଧ୍ୟମ ବର୍ଗର ଆମ୍ବୁଲାନ୍ସ ୧୦୦୦, ଲାଇଫ ସପୋର୍ଟ ସିଷ୍ଟମ ଥିଲେ ୧୫୦୦
୪- ୱିଙ୍ଗର ଭଳି ବଡ଼ ଆମ୍ବୁଲାନ୍ସ ୧୦ କିମିକୁ ୧୨୫୦, ଲାଇଫ ସପୋର୍ଟ ସିଷ୍ଟମ ଥିଲେ ୨୦୦୦
୫- ବଡ଼ ଆମ୍ବୁଲାନ୍ସରେ ଆଡଭାନ୍ସ ଲାଇଫ ସପୋର୍ଟ ସିଷ୍ଟମ ଥିଲେ ୧୦ କିମିକୁ ୩ ହଜାର
ତେବେ ପ୍ରଥମ ୧୦ କିମି ପାଇଁ ଦର ନିର୍ଦ୍ଧାରଣ କରାଯାଇଥିବାବେଳେ ପରବର୍ତ୍ତୀ କିମି ପାଇଁ ଅତିରିକ୍ତ ଦେୟ ଦେବାକୁ ପଡ଼ିବ ବୋଲି ରାଜ୍ୟ ପରିବହନ ବିଭାଗ ପକ୍ଷରୁ ପ୍ରକାଶ ପାଇଥିବା ବିଜ୍ଞପ୍ତିରେ ଉଲ୍ଲେଖ ରହିଛି ।
