ୱାର୍କ ଫ୍ରମ ହୋମ ନିୟମ କୋହଳ କଲେ ସରକାର
ୱାର୍କ ଫ୍ରମ ହୋମ ନିୟମ କୋହଳ କଲେ ସରକାର
admin
2309
ନୂଆଦିଲ୍ଲୀ : କରୋନା ସଙ୍କଟ କାରଣରୁ ବିଭିନ୍ନ କମ୍ପାନୀ ପକ୍ଷରୁ ୱାର୍କ ଫ୍ରମ ହୋମ ପନ୍ଥା ଆପଣାଯାଉଛି । ଏହି କ୍ରମରେ ଆଜି ଭାରତ ସରକାରଙ୍କ ପକ୍ଷରୁ ୱାର୍କ ଫ୍ରମ ହୋମ ନିୟମକୁ କୋହଳ କରାଯାଇଛି । ଏହି ନୂତନ ନିୟମ ଅନୁଯାୟୀ ଏଣିକି କର୍ମଚାରୀ ୱାର୍କ ଫ୍ରମ ହୋମ ବା ଭାରତର ଯେ କୌଣସି ପ୍ରାନ୍ତରୁ କାର୍ଯ୍ୟ କରି ପାରିବେ । ଏହା ସହିତ କମ୍ପାନୀ ଗୁଡିକୁ ଏନେଇ କୌଣସି ପଞ୍ଜୀକରଣ ବା ପେପର ୱାର୍କର୍ କରିବାକୁ ପଡିବ ନାହିଁ । ଏହା ଦ୍ୱାରା ଦେଶର ଶତାଧିକ ଆଇଟି କମ୍ପାନୀ, ବିପିଓ ଏବଂ ଟିଇଏସ ଲାଭବାନ ହୋଇପାରିବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ କରି ଏହା ସମ୍ପର୍କରେ ଘୋଷଣା କରିଛନ୍ତି । ଭାରତର ଆଇଟି କ୍ଷେତ୍ର ଏହାର ଗର୍ବ ଏବଂ ଗୌରବ । ଆଇଟି ପାଇଁ ଭାରତ ବିଶ୍ୱରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛି । ତେଣୁ ଆଇଟି କ୍ଷେତ୍ରରେ ସଂସ୍କାର ଆଣିବା ପାଇଁ ସରକାରଙ୍କ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି ବୋଲି ମୋଦି ଟ୍ୱିଟ କରିଛନ୍ତି ।
