୪୦୦୦ ଟଙ୍କିଆ ସ୍ମାର୍ଟଫୋନ ଆଣିବେ ମୁକେଶ

Sep 23, 2020 - 08:19 Updated: Sep 23, 2020 - 08:19

2214

ମୁମ୍ବାଇ: ଦେଶର ଏକ ନମ୍ବର ଧନୀ ମୁକେଶ ଅମ୍ବାନୀ ସ୍ମାର୍ଟଫୋନ ବଜାରରେ ବଡ଼ ଧରଣର ବିପ୍ଳବ ଆଣିବା ଉପରେ କାର୍ଯ୍ୟ କରୁଛନ୍ତି । ଗୁଗୁଲ ସହିତ ତାଙ୍କ ଟେଲିକମ ସଂସ୍ଥା ଜିଓ ବୁଝାମଣା କରିଛି । ସୁଲଭ ମୂଲ୍ୟରେ ଫୋନ ବିକଶିତ କରିବା ଉପରେ ମୁକେଶ କାର୍ଯ୍ୟ କରୁଛନ୍ତି । ଗୁଗଲ ଆଣ୍ଡ୍ରଏଡ ଅପରେଟିଂ ସିଷ୍ଟମ ଥିବା ଏହି ଫୋନର ଦାମ ୪୦୦୦ ଟଙ୍କା ପାଖପାଖି ରହିବ । ଆସନ୍ତା ଦୁଇ ବର୍ଷ ଭିତରେ ପ୍ରାୟ ୨୦ କୋଟି ଫୋନ ତିଆରି କରିବାକୁ ସେ ଯୋଜନା ରଖିଛନ୍ତି । ସେଥିପାଇଁ ଦେଶ ଭିତରେ ସ୍ମାର୍ଟଫୋନ ନିର୍ମାଣ କରୁଥିବା କେତେକ ସଂସ୍ଥା ସହ ଆଲୋଚନା କରି ସେମାନଙ୍କୁ ଫୋନ ତିଆରି କରିବାର ବରାଦ ଦିଆଯାଇଛି । ଏହି ଫୋନକୁ ଜିଓର ସୁଲଭ ମୂଲ୍ୟର ପ୍ଲାନ ସହ ବିକି୍ର କରାଯିବ । ଜିଓ ଜରିଆରେ ମୁକେଶ ଟେଲିକମ ସେବାରେ ଯେଉଁଭଳି ପରିବର୍ତ୍ତନ ଆଣିଥିଲେ ଏବେ ସ୍ମାର୍ଟ ଫୋନ କ୍ଷେତ୍ରରେ ସେଭଳି ବିପ୍ଳବ ଆଣିବାକୁ ଚାହୁଁଛନ୍ତି । ଦେଶ ଭିତରେ ଫୋନ ତିଆରି କରିବା ଲାଗି ସେ ତିକ୍ସନ ଟେକ୍ନୋଲୋଜିସ ଇଣ୍ଡି୍ରା, ଲାଭା ଇଣ୍ଟରନାସନାଲ ଓ କାର୍ମନ ମୋବାଇଲସ୍ ସହ ଯୋଡ଼ି ହୋଇପାରନ୍ତି ବୋଲି ଚର୍ଚ୍ଚା ହେଉଛି । ଟେଲିକମ ସେବାରେ ଜିଓର ପ୍ରତିଦ୍ୱନ୍ଦ୍ୱୀ ଭାରତୀ ଏୟାର ଟେଲ ମଧ୍ୟ ସୁଲଭ ମୂଲ୍ୟର ସ୍ମାର୍ଟ ଫୋନ ଯୋଜନା ଉପରେ କାର୍ଯ୍ୟ କରୁଛି । ଏୟାରଟେଲ ମଧ୍ୟ କିଛି ସଂସ୍ଥା ସହ ଆଲୋଚନା ଆରମ୍ଭ କରିଛି । ଲକଡାଉନ ସମୟରେ ମୁକେଶଙ୍କ କମ୍ପାନୀ ଜିଓ ପ୍ଲାଟଫର୍ମସ ଅନେକ ବିଶ୍ୱସ୍ତରୀୟ ସଂସ୍ଥା ସହ ଫେସବୁକ, ଗୁଗୁଲ, ଇଣ୍ଟେଲ ଆଦି ଠାରୁ ଦେଢ଼ ଲକ୍ଷ କୋଟି ଟଙ୍କାରୁ ଅଧଫକ ମୂଲ୍ୟର ପୁଞ୍ଜିନିବେଶ ହାସଲ କରିଛି । ସେହି ପାଣ୍ଠିକୁ ଏବେ ସମ୍ପ୍ରସାରଣ କରିବା ଦିଗରେ ବ୍ୟବହାର କରିବା ଲାଗି ପ୍ରକି୍ରୟା ଆରମ୍ଭ ହୋଇଛି ।