ଆଦିତ୍ୟ ମୃତୁ୍ୟ ମାମଲା, ମାସ ଶେଷ ସୁଦ୍ଧା ଦାଖଲ ହେବ ଷ୍ଟାଟସ୍ ରିପୋର୍ଟ
ଆଦିତ୍ୟ ମୃତୁ୍ୟ ମାମଲା, ମାସ ଶେଷ ସୁଦ୍ଧା ଦାଖଲ ହେବ ଷ୍ଟାଟସ୍ ରିପୋର୍ଟ
admin
6023
ଭୁବନେଶ୍ୱର: ମାନବପ୍ରେମୀ ଆଦିତ୍ୟ ସୁନ୍ଦର ଦାଶ ମୃତୁ୍ୟ ମାମଲାରେ ଚଳିତ ମାସ ଶେଷ ସୁଦ୍ଧା ହାଇକୋର୍ଟରେ ଦାଖଲ ହେବ ଷ୍ଟାଟର୍ସ ରିପୋର୍ଟ । ହାଇକୋର୍ଟଙ୍କ ଆଦେଶ ମୁତାବକ, କ୍ରାଇମବ୍ରାଞ୍ଚ ଏହି ରିପୋର୍ଟ ଦାଖଲ କରିବ ବୋଲି ଏକ ବିଶ୍ୱସ୍ତ ସୂତ୍ରରୁ ଜଣାପଡ଼ିଛି । ମାମଲାର ସିବିଆଇ ତଦନ୍ତ ଦାବି କରି ହାଇକୋର୍ଟରେ ବିଦ୍ୟାଶ୍ରୀ କରିଥିବା ଆବେଦନକୁ ଗ୍ରହଣ କରି ହାଇକୋର୍ଟ ରିପୋର୍ଟ ଦାଖଲ ପାଇଁ କ୍ରାଇମବ୍ରାଞ୍ଚକୁ ଆଦେଶ ଦେଇଥିଲେ । ଅନ୍ୟପଟେ ଏହି ମାମଲାରେ ସୋସିଆଲ ମିଡିଆରେ ମୁହଁ ନ ଖୋଲିବାକୁ ହାଇକୋର୍ଟ ଶୁଭାଶୀଷ ଷଡଙ୍ଗୀଙ୍କୁ ନୋଟିସ କରିବା ପରେ ସେ ନିରବ ରହିଛନ୍ତି । କିନ୍ତୁ ତାଙ୍କ ଫେସବୁକ ପେଜରେ ଏବେ ବିଦ୍ୟାଶ୍ରୀଙ୍କ ବିରୋଧୀ ପୋଷ୍ଟ ବଢ଼ିବାରେ ଲାଗିଛି । ତାଙ୍କ ପରେ ଏବେ ବିସ୍ମିଥ ଦାସ ‘ଜଷ୍ଟିସ ଫର ବିଦ୍ୟାଶ୍ରୀ’ ନାମରେ ଏକ ଫେସବୁକ ଗ୍ରୁପ ଖୋଲିଛନ୍ତି । ସେଥିରେ ସେ ପ୍ରତ୍ୟେକ ଦିନ ଭିଡିଓ ଅପଲୋଡ କରୁଛନ୍ତି । ଏକ ଭିଡିଓରେ ସେ ସିଧାସଳଖ ପପୁ ଓ ବିକାଶକୁ ଟାର୍ଗେଟ କରିଛନ୍ତି । ପପୁ ଓ ବିକାଶଙ୍କ ନାମରେ ଅଲଗା ଅଭିଯୋଗ ଅଛି, ଯାହା ମୁଁ ପରେ ସାମ୍ନାକୁ ଆଣିବି ବୋଲି କହିଛନ୍ତି । ବିସ୍ମିଥ ପ୍ରତ୍ୟେକ ଭିଡିଓରେ ପପୁ ଓ ବିକାଶକୁ ଟାର୍ଗେଟ କରୁଥିବା ବେଳେ ଶିବାୟ ସାହୁ ନାମକ ଜଣେ ଯୁବକ ନିଜ ଫେସବୁକ ପେଜରେ ବିଦ୍ୟାଶ୍ରୀଙ୍କୁ ଟାର୍ଗେଟ କରି ଭିଡିଓ ଅପଲୋଡ କରୁଛନ୍ତି । ବିଦ୍ୟାଶ୍ରୀ ଓ ଅନ୍ୟ ଜଣେ ଯୁବକଙ୍କର ଟିକଟକ ଭିଡିଓ ସେ ଅପଲୋଡ କରୁଛନ୍ତି । ଯାହାକୁ ସେୟାର କରିଛନ୍ତି ଶୁଭାଶିଷ । ଏଥିରେ ବିଦ୍ୟାଶ୍ରୀଙ୍କୁ ଅନେକ ଅଶ୍ଳୀଳ କମେଣ୍ଟ କରାଯାଇଛି । ଯଦି ଶୁଭାଶିଷଙ୍କୁ ଏହି ମାମଲାରେ ମତ ନ ରଖିବା ପାଇଁ ବାରଣ କରାଯାଇଛି, ତେବେ ଏମାନଙ୍କୁ କାହିଁକି ନୁହେଁ ବୋଲି ମଧ୍ୟ ଅନେକ ମତ ରଖିଛନ୍ତି ।
