୩୪ ବର୍ଷ ବୟସରେ ପ୍ରଧାନମନ୍ତ୍ରୀ
୩୪ ବର୍ଷ ବୟସରେ ପ୍ରଧାନମନ୍ତ୍ରୀ
admin
6646
ହେଲସିଙ୍କି: ଫିନଲାଣ୍ଡର ଜଣେ ନେତ୍ରୀ ସାନା ମାରିନ ଦେଶର ପ୍ରଧାନମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି । ଏବେ ସେଠାକାର ପରିବହନ ମନ୍ତ୍ରୀ ଭାବେ କାର୍ଯ୍ୟକରୁଥିବା ମାରିନ ମାତ୍ର ୩୪ ବର୍ଷ ବୟସରେ ଏହି ପଦ ଗ୍ରହଣ କରିବେ । ସେ ମଧ୍ୟ ବର୍ତ୍ତମାନ ସମୟରେ ବିଶ୍ୱର ସବୁଠାରୁ କନିଷ୍ଠ ପ୍ରଧାନମନ୍ତ୍ରୀ ହେବାର ଗୌରବ ଲାଭ କରିବେ । ରବିବାର ମାରିନଙ୍କୁ ସୋସାଲ ଡେମୋକ୍ରାଟସ ପାର୍ଟିର ନେତ୍ରୀ ଭାବେ ଚୟନ କରାଯାଇଛି । ପୂର୍ବରୁ ପ୍ରଧାନମନ୍ତ୍ରୀ ଥିବା ସୋସାଲ ଡେମୋକ୍ରାଟସ ଦଳର ନେତା ଆଣ୍ଟି ରିନେ ନିଜ ପଦବିରୁ ଇସ୍ତଫା ଦେବା ପରେ ନୂଆ ପ୍ରଧାନମନ୍ତ୍ରୀ ନିଯୁକ୍ତି କରିବାର ଆବଶ୍ୟକତା ଦେଖାଦେଇଥିଲା । ଦେଶରେ ଡାକ ବିଭାଗ କର୍ମଚାରୀଙ୍କ ଧର୍ମଘଟ ପ୍ରସଙ୍ଗରେ ସରକାରୀ ମେଣ୍ଟରେ ସାମିଲ ଏକ ଦଳ ସରକାରଙ୍କ ନୀତିକୁ ସମାଲୋଚନା କରିବା ସହିତ ଆଣ୍ଟି ରିନେଙ୍କ ଉପରେ ଅନାସ୍ଥା ବ୍ୟକ୍ତି କରିଥିଲା । ଏହା ପରେ ରିନେଙ୍କୁ ଇସ୍ତଫା ଦେବାକୁ ପଡ଼ିଥିଲା । ଫିନଲାଣ୍ଡରେ ଶାସନ କ୍ଷମତାରେ ଥିବା ୫ଟି ଦଳର ମେଣ୍ଟରେ ସୋସାଲ ଡେମୋକ୍ରାଟସ ପାର୍ଟିର ସବୁଠାରୁ ଅଧିକ ସଦସ୍ୟ ଅଛନ୍ତି ।
