୨୦୨୧ରେ ଛଡ଼ାଯିବ ଚନ୍ଦ୍ରଯାନ-୩
୨୦୨୧ରେ ଛଡ଼ାଯିବ ଚନ୍ଦ୍ରଯାନ-୩
admin
6138
ନୂଆଦିଲ୍ଲୀ : ମହକାଶ ବିଜ୍ଞାନ ବିଭାଗ ଦାୟିତ୍ୱରେ ଥିବା କେନ୍ଦ୍ର ରାଷ୍ଟ୍ର ମନ୍ତ୍ରୀ ଜିତେନ୍ଦ୍ର ସିଂ ସୂଚନା ଦେଇଛନ୍ତି କି ଭାରତ ୨୦୨୧ ମସିହାରେ ଚନ୍ଦ୍ରଯାନ-୩ ପ୍ରେରଣ କରିବ । କିନ୍ତୁ ଚନ୍ଦ୍ରଯାନ-୨ ଭଳି ଏଥିରେ ଅରବିଟର ରହିବ ନାହିଁ । ଏଥିରେ କେବଳ ଲ୍ୟାଣ୍ଡର ଏବଂ ରୋଭର ରହିବ । ଚନ୍ଦ୍ରଯାନ-୩କୁ ୨୦୨୦ ମସିହାରେ ମହାକାଶକୁ ପ୍ରେରଣ କରିବା ପାଇଁ ପୂର୍ବରୁ ଯୋଜନା ଥିଲା । ହେଲେ କରୋନା ସଂକ୍ରମଣ ଯୋଗୁଁ ଏହା ବିଳମ୍ବିତ ହୋଇଛି । ତେଣୁ ୨୦୨୧ ମସିହା ପ୍ରଥମ ଭାଗରେ ଏହାକୁ ଉତକ୍ଷେପଣ କରାଯିବ ।
ଭାରତ ଗତ ବର୍ଷ ଜୁଲାଇ ମାସ ୨୨ରେ ଚନ୍ଦ୍ରଯାନ-୨ ମହାକାଶକୁ ପ୍ରେରଣ କରିଥିଲେ । ସେଇ ବର୍ଷ ସେପ୍ଟେମ୍ବର ୭ରେ ଏଥିରେ ଥିବା ଲ୍ୟାଣ୍ଡର ଚନ୍ଦ୍ରପୃଷ୍ଠରେ ଅବତରଣ କରିବାର ଥିଲା । ଏହା ସଫଳ ହୋଇଥିଲେ ପ୍ରଥମ ପ୍ରଚେଷ୍ଟାରେ ଚନ୍ଦ୍ରପୃଷ୍ଠରେ ମହାକାଶ ଯାନ ଅବତରଣ କରାଇବାରେ ଶ୍ରେୟ ଭାରତକୁ ମିଳିଥାନ୍ତା । ମାତ୍ର ଅବତରଣର କିଛି ସେକେଣ୍ଡ ପୂର୍ବରୁ ଲ୍ୟାଣ୍ଡର ବିକ୍ରମ ସହିତ ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା । ପରେ ଅବଶ୍ୟ ଚନ୍ଦ୍ରପୃଷ୍ଠରେ ବିକ୍ରମ ଏବଂ ରୋଭର ପ୍ରଜ୍ଞାନ ଅଜ୍ଞତ ପଡ଼ିଥିବାର ଦାବି କରାଯାଇଥିଲା । ତେବେ ଚନ୍ଦ୍ରଯାନ-୨ରେ ପଠାଯାଇଥିବା ଅରବିଟର ଏବେ ବି ଚନ୍ଦ୍ର ଚାରିପଟେ ପ୍ରଦକ୍ଷଣ କରୁଛି ଏବଂ ପୃଥିବୀ ପୃଷ୍ଠକୁ ତଥ୍ୟ ପ୍ରେରଣ କରୁଛି । ତା’ପୂର୍ବରୁ ଭାରତ ଦ୍ୱାରା ଛଡ଼ାଯାଇଥିବା ଚନ୍ଦ୍ରଯାନ ୧ ରୁ ବି ଚନ୍ଦ୍ର ସମ୍ପର୍କରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଛି ।
