୨ ଭଉଣୀଠାରୁ ଚେନ୍ ଲୁଟ
୨ ଭଉଣୀଠାରୁ ଚେନ୍ ଲୁଟ
admin
4509
ଭୁବନେଶ୍ୱର: ୧୬ ନମ୍ବର ଜାତୀୟ ରାଜପଥ ଯାଁଳା ଛକରେ ୨ ଭଉଣୀ ଲୁଟର ଶିକାର ହୋଇଛନ୍ତି । ଲୁଟେରାମାନେ ସୁନା ଚେନ ଝାମ୍ପି ନେଇଥିବା ବେଳେ ୨ ଭଉଣୀ ସ୍କୁଟିରୁ ପଡ଼ି ଆହତ ହୋଇଛନ୍ତି । ସେମାନେ ହେେଏ, ଭୁବନେଶ୍ୱର ଟଙ୍କପାଣି ରୋଡ ଅଞ୍ଚଳର ଜ୍ୟୋତ୍ସ୍ନା ଦାସ ଓ ସାନ ଭଉଣୀ ମମତା ମହାନ୍ତି । ସୂଚନା ଅନୁସାରେ ସନ୍ଧ୍ୟା ପ୍ରାୟ ୫ଟା ବେଳେ ୨ ଭଉଣୀ ସ୍କୁଟି ଯୋଗେ ଖୋର୍ଦ୍ଧାରୁ ଭୁବନେଶ୍ୱର ଆସୁଥିଲେ । ତାଙ୍କୁ ଦୁଇ ଜଣ ଯୁବକ ଏକ ପଲସର ମୋଟର ସାଇକେଲରେ ପିଛା କରୁଥିଲେ । ଯାଁଳା ବଜାର ଓଭରବି୍ରଜ ଉପରେ ସେମାନେ ସ୍କୁଟି ପାଖକୁ ଲାଗି ଆସିଥିଲେ ଓ ସ୍କୁଟି ପଛରେ ବସିଥିବା ଜ୍ୟୋତ୍ସ୍ନାଙ୍କ ବେକରୁ ସୁନାଚେନ ଝାମ୍ପି ନେଇଥିଲେ । ଚେନ ଟାଣିନେବା ବେଳେ ସ୍କୁଟି ଚଳାଉଥିବା ମମତା ଭାରସାମ୍ୟ ହରାଇବାରୁ ଉଭୟ ରାସ୍ତାରେ ପଡ଼ି ଯାଇଥିଲେ । ଫଳରେ ଉଭୟଙ୍କର ମୁଣ୍ଡରେ ଗଭୀର କ୍ଷତ ସୃଷ୍ଟି ହୋଇଥିଲା । ମାତ୍ର ଦୁର୍ବୃତ୍ତମାନେ ଦ୍ରୁତ ବେଗରେ ଭୁବନେଶ୍ୱର ଦିଗରେ ପଳାଇଥିଲେ । ସ୍ଥାନୀୟ ଲୋକେ ୨ ଭଉଣୀଙ୍କୁ ଉଦ୍ଧାର କରିବା ସହ ପୁଲିସ ସହାୟତାରେ ଭୁବନେଶ୍ୱର ଏମସକୁ ପଠାଇଥିଲେ ।
