୧୭ ଯାଏ ଚାଲିବନି ଯାତ୍ରୀବାହୀ ଟ୍ରେନ
୧୭ ଯାଏ ଚାଲିବନି ଯାତ୍ରୀବାହୀ ଟ୍ରେନ
admin
5004
ନୂଆଦିଲ୍ଲୀ: ଦେଶବ୍ୟାପୀ ଲକଡାଉନ ଅବଧି ମେ’୧୭ ଯାଏ ବୃଦ୍ଧି କରାଯାଇଛି । ରେଳ ମନ୍ତ୍ରାଳୟ ପକ୍ଷରୁ ଟୁଇଟ ମାଧ୍ୟମରେ ସ୍ପଷ୍ଟ କରାଯାଇଛି ଯେ, ମେ’୧୭ ଯାଏ କୌଣସି ଯାତ୍ରୀବାହୀ ଟ୍ରେନ ଚାଲିବ ନାହିଁ । ଏହି ଅବଧି ମଧ୍ୟରେ ଟିକେଟ ବୁକ କରିବା କିମ୍ବା ଟ୍ରେନରେ ଯାତ୍ରା କରିବା ଉଦ୍ଦେଶ୍ୟରେ କୌଣସି ବ୍ୟକ୍ତି ରେଳ ଷ୍ଟେସନ ନ ଆସନ୍ତୁ ବୋଲି ମନ୍ତ୍ରାଳୟ ଏହାର ଟୁଇଟରେ ଉଲ୍ଲେଖ କରିଛି ।
ସେହିଭଳି ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ (ଡିଜିସିଏ) ସମସ୍ତ ଘରୋଇ ଓ ଅନ୍ତର୍ଜାତୀୟ ଯାତ୍ରା ଉଡାଣକୁ ମେ’୧୭ ଯାଏ ରଦ୍ଦ କରିଛି । ଡିଜିସିଏ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ, ସରକାର ସମଗ୍ର ଦେଶରେ ଲକଡାଉନ ଅବଧିକୁ ମେ ୧୭ ଯାଏ ସମ୍ପ୍ରସାରଣ କରିଛନ୍ତି । ଏହାକୁ ଦୃଷ୍ଟିରେ ରଖି ଘରୋଇ ଏବଂ ଅନ୍ତର୍ଜାତୀୟ ଉଡାଣକ କଟକଣା ସଂକ୍ରାନ୍ତ ସର୍କୁଲାର ମେ’୧୭ ରାତି ୧୧ଟା ୫୯ ଯାଏ ପ୍ରଭାବୀ ରହିବ । ମାଲବାହୀ ବିମାନ ତଥା ବିଶେଷ ଅନୁମତି ପ୍ରାପ୍ତ ଯାତ୍ରୀ ବିମାନ ଉପରେ କଟକଣା ଲାଗୁ ହେବ ନାହିଁ । ସେହିଭଳି ମାଲବାହୀ ଟ୍ରେନ ଏବଂ ବିଶେଷ ଅନୁମତି ପ୍ରାପ୍ତ ଯାତ୍ରୀବାହୀ ଟ୍ରେନ ଉପରେ କଟକଣା ଲାଗିବ ନାହିଁ । ଡିଜିସିଏ ପ୍ରକାଶକରିଛି ଯେ, ଦେଶରେ ବିମାନ ସେବା ଯୋଗାଉଥିବା ସମସ୍ତ ଘରୋଇ ଏବଂ ବିଦେଶୀ କମ୍ପାନୀ ଗୁଡ଼ିିକୁ ଉଡାଣ ଆରମ୍ଭ କରିବା ନେଇ ପୂର୍ବରୁ ସୂଚନା ଦିଆଯିବ, ଯଦ୍ୱାରା ସେମାନେ ପ୍ରାକ ପ୍ରସ୍ତୁତି କରିପାରିବେ ।
ଲକଡାଉନ ଅବଧିରେ ଭିନ୍ନ ଭିନ୍ନ ରାଜ୍ୟରେ ଫସିଥିବା ଶ୍ରମିକ, ତୀର୍ଥଯାତ୍ରୀ, ପର୍ଯ୍ୟଟକ, ଛାତ୍ରଛାତ୍ରୀ ଏବଂ ଅନ୍ୟାନ୍ୟ ବ୍ୟକ୍ତି ବିଶେଷଙ୍କୁ ସେମାନଙ୍କ ରାଜ୍ୟରେ ପହଞ୍ଚାଇବା ପାଇଁ ‘ଶ୍ରମିକ ସ୍ପେସାଲ’ ଟ୍ରେନ ଚାଲି । ମେ’୧ ଶ୍ରମିକ ଦିବସ ଅବସରେ ଏହି ଟ୍ରେନର ଚଳାଚଳ ଆରମ୍ଭ ହୋଇଛି ।
