ହ୍ୱାଟସ ଆପ ଗ୍ରୁପରେ ଅଶ୍ଳୀଳ ଭିଡିଓ, ବିଧାୟକଙ୍କ ଅଭିଯୋଗ ପରେ ୪ ଅଟକ
ହ୍ୱାଟସ ଆପ ଗ୍ରୁପରେ ଅଶ୍ଳୀଳ ଭିଡିଓ, ବିଧାୟକଙ୍କ ଅଭିଯୋଗ ପରେ ୪ ଅଟକ
admin
5116
ପଦ୍ମପୁର: ମୟୂରଭଞ୍ଜ ଜିଲ୍ଲା ଯଶିପୁର ନିର୍ବାଚନ ମଣ୍ଡଳୀର ବିଧାୟକ ଗଣେଶ ରାମ ସିଂ ଖୁଣ୍ଟିଆ ଥିବା ହ୍ୱାଟସଆପ ଗ୍ରୁପରେ ଅଶ୍ଳୀଳ ଭିଡିଓ ପଠାଇ ହରଡ଼ ଘଣାରେ ପଡ଼ିଛନ୍ତି ୪ ଯୁବକ । ଏହି ଘଟଣାରେ ପୁଲିସ ୪ ଜଣ ଯୁବକଙ୍କୁ ଥାନାରେ ଅଟକ ରଖିଥିବା ବେଳେ ମୁଖ୍ୟ ଅଭିଯୁକ୍ତ ଫେରାର ହୋଇଯାଇଛି । ସୂଚନା ମୁତାବକ, ଏକ ହ୍ୱାଟସଆପ ଗ୍ରୁପରେ ଯଶୀପୁର ବିଧାୟକ ଗଣେଶ ରାମ ସିଂଙ୍କୁ ସଦସ୍ୟ ରଖାଯାଇଛି । ଉକ୍ତ ଗ୍ରୁପରେ ସଦସ୍ୟ ଥିବା ଜଣେ ଯୁବକ ଏକ ଅଶ୍ଳୀଳ ଭିଡିଓ ପକାଥିଲେ । ଯାହାକୁ ବିଧାୟକ ଶ୍ରୀ ଖୁଣ୍ଟିଆ ବିରୋଧ କରିବା ସହ ଏପ୍ରକାର ଭିଡିଓ ପୋଷ୍ଟ କରିବା ଆଇନତଃ ଏକ ଅପରାଧ ବୋଲି ସୂଚାଇ ଗ୍ରୁପର ଆଡମିନ ସଦସ୍ୟଙ୍କୁ ସତର୍କ କରାଇଥିଲେ । ହେଲେ ଗ୍ରୁପର ଥିବା କିଛି ସଦସ୍ୟ ଆପତ୍ତିଜନକ ଭିଡିଓକୁ ହଟାଇବା ପରିବର୍ତ୍ତେ ବିଧାୟକଙ୍କ ଉଦେ୍ଧଶ୍ୟରେ ଅଶାଳୀନ ମନ୍ତବ୍ୟ ଦେଇଥିଲେ । ଫଳରେ ବିଧାୟକ ଶ୍ରୀ ଖୁଣ୍ଟିଆ ଯଶିପୁର ଥାନାରେ ଏ ନେଇ ଲିଖିତ ଭାବେ ଜଣାଇଛନ୍ତି । ଅଭିଯୋଗ ପାଇବା ପରେ ପୁଲିସ ଘଟଣାର ତଦନ୍ତ କରି ଖରାପ ମନ୍ତବ୍ୟ ଦେଇଥିବା ୪ ଜଣଙ୍କୁ ଥାନାରେ ଅଟକ ରଖିଛି । ଅନ୍ୟପଟେ ମୁଖ୍ୟ ଅଭିଯୁକ୍ତ ନିଜ ମୋବାଇଲ ସୁଇଚ ଅଫ ରଖିଥିବା ବେଳେ ଏ ଯାଏ ପୁଲିସ ତାଙ୍କୁ ଧରିବାରେ ସକ୍ଷମ ହୋଇନାହିଁ ।
