ରାଜ୍ୟରେ ବିକାଶ ପାଇଁ ମୁଁ ନୀତୀଶ ସରକାର ଚାହେଁ, ବିହାର ପାଇଁ ମୋଦିଙ୍କ ଖୋଲା ଚିଠି
ରାଜ୍ୟରେ ବିକାଶ ପାଇଁ ମୁଁ ନୀତୀଶ ସରକାର ଚାହେଁ, ବିହାର ପାଇଁ ମୋଦିଙ୍କ ଖୋଲା ଚିଠି
admin
5020
ପାଟନା: ବିହାରରେ ତୃତୀୟ ଏବଂ ଶେଷ ପର୍ଯ୍ୟାୟ ନିର୍ବାଚନର ୨ ଦିନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜ୍ୟବାସୀଙ୍କ ପାଇଁ ଏକ ଖୋଲା ଚିଠି ଲେଖିଛନ୍ତି । ମୋଦି କହିଛନ୍ତି ବିହାରର ବିକାଶ ପାଇଁ ସେ ନୀତୀଶ ସରକାର ଚାହାନ୍ତି । ବିହାରର ଜାତି ଆଧାରରେ ନୁହେଁ ବରଂ ବିକାଶ ପାଇଁ ଭୋଟରମାନେ ଭୋଟ ଦେଉଛନ୍ତି । ମିଥ୍ୟା ପ୍ରତିଶ୍ରୁତି ନୁହେଁ, ଏକ ଦୃଢ଼ ରାଜନୈତିକ ଉଦେ୍ଧଶ୍ୟ ଏବଂ ସୁଶାସନ ପାଇଁ ଲୋକେ ନିଜ ଭୋଟ ଅଧିକାର ପ୍ରୟୋଗ କରୁଛନ୍ତି । ସାଧୁତା ଏବଂ ସ୍ୱଳ୍ପତା ପାଇଁ ଲୋକମାନେ ଭୋଟ ଦେଉଛନ୍ତି ବୋଲି ମୋଦି କହିଛନ୍ତି । ଜେଡିୟୁ ବିଜେପି ମେଣ୍ଟ ଶାସନ ସମ୍ପର୍କରେ ମୋଦି କହିଛନ୍ତି, ଡବଲ ଇଞ୍ଜିନ ସରକାର’ର କ୍ଷମତା ବିହାରକୁ ବିକାଶର ଏକ ନୂଆ ସ୍ତରକୁ ନେଇଯିବ । ମୋଦି ତାଙ୍କର ଖୋଲା ଚିଠିରେ ସମ୍ପୂର୍ଣ୍ଣ ଭାବେ ବିହାରର ବିକାଶ ଉପରେ ଫୋକସ କରିଛନ୍ତି । ସେ କହିଛନ୍ତି, କେବଳ ଏନଡିଏ ସରକାର ହିଁ ଉତ୍ତମ ଭିତ୍ତିଭୂମି ପ୍ରଦାନ କରିପାରିବ । ଏନଡିଏ ବିହାରରେ ସବୁ କ୍ଷେତ୍ରରେ ତଥା ବିଦୁ୍ୟତ, ପାଣି, ସଡ଼କ, ସ୍ୱାସ୍ଥ୍ୟ, ଶି%ା ଏବଂ ଆଇନ ଶୃଙ୍ଖଳା କ୍ଷେତ୍ରରେ ଶ୍ରେଷ୍ଠ କାମ କରୁଛି ବୋଲି ମୋଦି କହିଛନ୍ତି । ସ୍ୱାମୀତ୍ୱ ଯୋଜନାକୁ ଲୋକେ ଆଗ୍ରହର ସହ ଅପେକ୍ଷା କରିଛନ୍ତି । ଏହା ସାଧାରଣ ଲୋକଙ୍କୁ ଏକ ସମ୍ମାନାସ୍ପଦ ଜୀବନ ଜିଇଁବା ପାଇଁ ସହଯୋଗ କରିବ ବୋଲି ସେ କହିଛନ୍ତି ।
