ସ୍ୱାମୀ ଉପରେ ରାଜ କରିବାକୁ ଚାହୁଁଛନ୍ତି କି ? କ’ଣ କରିବେ
admin
ଭୁବନେଶ୍ୱର: ଯଦି ଆପଣ ବିବାହ କରିବାକୁ ଯାଉଛନ୍ତି ତେବେ ମନରେ ଡ଼ର ଥିବ ନିଶ୍ଚୟ । ନୂଆ ଘର ନୂଆ ଲୋକ କେମିତି ଚଳିବେ । ସମୟକ୍ରମରେ ସବୁକିଛି ଠିକ ହୋଇଯିବାର ଭାବନା ନେଇ ଝିଅ ବାପ ଘର ଛାଡ଼ି ଚାଲିଯାଏ ଶାଶୁଘର । ଉତ୍ସାହିତ ଥାଆନ୍ତି ସ୍ୱାମୀଙ୍କୁ ନେଇକି ଯେ, ସେ ଏବେ ତାଙ୍କ ଜୀବନର ଗୋଟିଏ ଅଂଶ । ଯଦି ଆପଣ ଭାବୁଛନ୍ତି କି ବାହାଘର ପୂର୍ବରୁ ଯେମିତି ସେ ଆପଣଙ୍କ ସହିତ ମିଠା ମିଠା କଥା ହେଉଛନ୍ତି ଏମିତି ବାହାଘର ପରେ ମଧ୍ୟ ଜୀବନ ସାରା ଏମିତି ରହିବେ ତେବେ ଏହା ଭାବିବା ଭୁଲ୍ । ବାହାଘର ପୂର୍ବରୁ ପ୍ରେମ ହେଉ କି ନୂଆ ନୂଆ ବିବାହ କରିବାକୁ ଯାଉଥିବା ଯୋଡ଼ିଙ୍କ ଗପ ବାହାଘର ପରେ କିଛିଦିନ ପରେ ବଦଳିଯାଇଥାଏ । ଯଦିବା ସମ୍ପର୍କଟିକୁ କିପରି ଆଗକୁ ନେଇ ବଢ଼ିବା, ସେ ସବୁର ଅତ୍ୟଧିକ ଦାୟିତ୍ୱ ଗୋଟିଏ ସ୍ତ୍ରୀ ଠାରେ ଥାଏ । ତେଣୁ ଯଦି ଆପଣଙ୍କ ବାହାଘର ଏଇ କିଛି ଦିନ ମଧ୍ୟରେ ହେବାକୁ ଯାଉଛି ତେବେ ଆସନ୍ତୁ ଜାଣିବା ସମ୍ପର୍କକୁ କିପରି ମଜବୁତ କରିବା ସେ ବିଷୟରେ....
ସମସ୍ୟା ଥିଲେ ଖୋଲିକି କହିବା ଆବଶ୍ୟକ:
ଯଦି ଆପଣ କିଛି କଥାକୁ ନେଇକି ଅତ୍ୟଧିକ ଚିନ୍ତାରେ ଅଛନ୍ତି ତେବେ ଆପଣ ସଙ୍ଗେସଙ୍ଗେ ଏହାକୁ ଆପଣଙ୍କ ଜୀବନସାଥୀଙ୍କୁ କହିବା ଆବଶ୍ୟକ । ଭୁଲ ବୁଝାମଣାକୁ ନିଜ ବୈବାହିକ ଜୀବନ ମଧ୍ୟରେ ଆଣିବା ଠିକ୍ ନୁହେଁ । ଏହାର ସଠିକ ସମାଧାନ କରିବା ସହିତ ଆପୋଷ ବୁଝାମଣା କରିବା ଉଚିତ୍ । ଯଦି ଆପଣ ଭାବୁଛନ୍ତି କି କିଛି ଶବ୍ଦ ପ୍ରୟୋଗ ଆପଣଙ୍କ ସ୍ୱାମୀ-ସ୍ତ୍ରୀ ଭିତରେ କିଛି ଫାଟ ସୃଷ୍ଟି କରିପାରିବ ତେବେ ଏହାକୁ ସଠିକ ଶବ୍ଦ ବ୍ୟବହାର କରି କୁହନ୍ତୁ ।
ସମ୍ପର୍କରେ ଜିତିବା ହାରିବା ନଥାଏ:
ବିବାହିତ ଜୀବନରେ ଜିତିବା ହାରିବା ଭଳି କୌଣସି ଜିନିଷ ନଥାଏ । ଏପରି କୌଣସି ଧାରଣା ମନ ଭିତରେ ଆଣିବା ହିଁ ଭୁଲ୍ । ଏହା ହେଉଛି ନିଜର ଘର । କୌଣସି ଅଫିସ ନୁହେଁ ଯେ, ସହକର୍ମୀଙ୍କ ସହ କମ୍ପିଟିସନ କରାଯିବ । ଘରେ ନିଜ ଜୀବନସାଥୀଙ୍କର ଓ ପରିବାରର କଥା ବୁଝିବା ନିଜର କର୍ତ୍ତବ୍ୟ ବୋଲି ମନେକରିବା ଆବଶ୍ୟକ ।
ଡେଟରେ ଯିବା
ବାହାଘରର ଅର୍ଥ ନୁହେଁକି କେବଳ ଦୁହେଁ ଘରେ ହିଁ ରହିବ କି ଘର ଲୋକଙ୍କ ସହିତ ଖାଦ୍ୟ ଖାଇବ । ମଝିରେ ମଝିରେ ଦୁହେଁ ବାହାରକୁ ମଧ୍ୟ ଯିବା ଉଚିତ । ନିଜ ସମ୍ପର୍କରେ ଭଲପାଇବାକୁ ବଢ଼ାଇବା ପାଇଁ କର୍ମ ବହୁଳ ଜୀବନରୁ ସମୟ ବାହାର କରି ନିଜ ଜୀବନସାଥୀ ସହ ମଧ୍ୟ ସମୟ ବିତେଇବା ଆବଶ୍ୟକ ।
ଦୁହେଁ ଦୁହିଁଙ୍କୁ ୱିଶ୍ କରନ୍ତୁ:
ବିବାହ ପରେ ଦୁହେଁ ଦୁହିଁଙ୍କୁ ୱିଶ କରିବାକୁ ଭୁଲନ୍ତୁ ନାହିଁ । କିଛି ଲୋକଙ୍କର ଧାରଣା ଥାଏ କି ବିବାହ କରିବା ପରେ ତ ଆମେ ସମ୍ପର୍କରେ ବନ୍ଧା ହୋଇଗଲେ କୌଣସି ପର୍ବ ହେଉ କି ଜନ୍ମଦିନ ୱିଶ କରିବା କୌଣସି ଆବଶ୍ୟକ ନଥାଏ । ଏପରି କରିବା ଦ୍ୱାରା ଭଲପାଇବା ଓ ସମ୍ପର୍କଠାରୁ ଆମେ ଦୂରେଇ ଯାଇଥାଉ । ତେଣୁ ସର୍ବଦା ଦୁହେଁ ଦୁହିଁକୁ ୱିଶ୍ କରିବା ଆବଶ୍ୟକ ହୋଇଥାଏ ।
ପରସ୍ପରକୁ ସମୟ ଦିଅନ୍ତୁ:
ବ୍ୟସ୍ତବହୁଳ ଜୀବନ ଭିତରେ ସ୍ୱାମୀ-ସ୍ତ୍ରୀ କରନ୍ତି କେବଳ ନିଜର କର୍ତ୍ତବ୍ୟ । ସେମାନେ ପରସ୍ପରକୁ ସମୟ ଦେବାକୁ ଭୁଲି ଯାଆନ୍ତି । ସ୍ୱାମୀ ଅଫିସରେ ଓ ସ୍ତ୍ରୀ ପରିବାରର ଜଞ୍ଜାଳ ଭିତରେ ଫସି ସବୁକିଛି ଭୁଲି ଯାଆନ୍ତି । ତେବେ ପରସ୍ପରକୁ ସମୟ ଦେବା ମଧ୍ୟ ଗୋଟିଏ ସମ୍ପର୍କରେ ଏକାନ୍ତ ଆବଶ୍ୟକ ।
