ସ୍ତ୍ରୀକୁ ନେଇ ଦେହ ବ୍ୟବସାୟ !

Mar 23, 2021 - 07:19 Updated: Mar 23, 2021 - 07:19

3100

ଭୁବନେଶ୍ୱର: ସ୍ତ୍ରୀକୁ ଘରେ ବନ୍ଦ ରଖି ଦେହ ବ୍ୟବସାୟରେ ଲିପ୍ତ ଅଭିଯୋଗ ହୋଇଛି । ଏହି ଘଟଣା ଖୋଦ୍ ଭୁବନେଶ୍ୱର ରାଜଧାନୀରେ ଘଟିଛି । ସ୍ତ୍ରୀ ଅରାଜି ହେବାରୁ ଘରେ ବନ୍ଦ ରଖି ସ୍ୱାମୀ ନିସ୍ତୁକ ମାଡ ମାରିଥିବା ସୂଚନା ମିଳିଛି । ପୀଡିତାଙ୍କ ମାଆଙ୍କ ଠାରୁ ଖବର ପାଇ ଉଦ୍ଧାର କରିଛି ଚନ୍ଦ୍ରଶେଖର ପୋଲିସ । ୧୦ ବର୍ଷ ତଳେ ଅଭିଯୁକ୍ତକୁ ପ୍ରେମ ବିବାହ କରିଥିଲେ ପୀଡିତା ମହିଳା । ବାହାଘରର ୨ ବର୍ଷ ପରେ ସ୍ତ୍ରୀକୁ ଦେହ ବ୍ୟବସାୟରେ ଲଗାଇଥିଲା ଅଭିଯୁକ୍ତ । ଘରକୁ ବିଭିନ୍ନ ଲୋକଙ୍କୁ ଡାକି ସ୍ୱାମୀ ବାଧ୍ୟ କରୁଥିବା ପୀଡିତା ଅଭିଯୋଗ କରିଛନ୍ତି । ଗତ ୭ ବର୍ଷ ହେବ ଏଭଳି କାରବାର ଚଳାଇଥିଲା ବୋଲି ପୀଡିତା କହିଛନ୍ତି । ପ୍ରତିବାଦ କଲେ ସ୍ତ୍ରୀକୁ ପିଟୁଥିଲା । ଗତ ୭ ଦିନ ତଳୁ ଅତି ନିର୍ମମ ଭାବେ ମଦ ପିଇ ପିଟୁଥିଲା ଅଭିଯୁକ୍ତ ସ୍ୱାମୀ । ଖବର ପାଇଁ ପୋଲିସ ପୀଡିତାଙ୍କୁ ଉଦ୍ଧାର କରିବା ସହ ସ୍ୱାମୀକୁ ଥାନାରେ ଅଟକ ରଖିଛି ।