ସୁସ୍ଥ ହେଲେ ବ୍ରିଟେନ୍ ପ୍ରଧାନମନ୍ତ୍ରୀ

Apr 13, 2020 - 10:25 Updated: Apr 13, 2020 - 10:25

4892

ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ କରୋନା ସଂକ୍ରମିତ ହୋଇ ହସ୍ପିଟାଲରେ ଚିକିତ୍ସାଧୀନ ଥିଲେ । ୫୫ ବର୍ଷୀୟ ଜନସନ ସୁସ୍ଥ ହୋଇ ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ଲଣ୍ଡନସ୍ଥିତ ସେଣ୍ଟ ଥମାସ ହସ୍ପିଟାଲରେ ସେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ୧୦ ଦିନ ଧରି ଚିକିତ୍ସିୀତ ହେବା ପରେ ତାଙ୍କ ନମୁନା ନେଗେଟିଭ ଆସିଛି । ହସ୍ପିଟାଲ ସୂତ୍ରରୁ ମିଳିଥିବା ଖବର ମୁତାବକ ଜନସନ ୩ ରାତି ଇନଟେନସିଭ କେୟାର ୟୁନିଟରେ ରହିଥିଲେ । ଏହା ପରେ ତାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥିଲା ।ସ୍ୱାସ୍ଥ୍ୟରେ ସୁଧାର ଆସିବା ପରେ ତାଙ୍କୁ ଏକ ଅନ୍ୟ ଏକ ସାଧାରଣ ୱାର୍ଡକୁ ସ୍ଥାନାନ୍ତର କରାଯାଇଥିବା ବୋଲି ଡାଉନିଙ୍ଗ ଷ୍ଟ୍ରିଟ ସୂଚନା ଦେଇଛି । ଅନ୍ୟ ପକ୍ଷରେ ଯଦିଓ ଜନସନଙ୍କ ନମୁନା ନେଗେଟିଭ ଆସିଛି, ସେ କିନ୍ତୁ ଏବେ କାର୍ଯ୍ୟରେ ଯୋଗ ଦେବେ ନାହିଁ । ଡାକ୍ତରଙ୍କ ପରାମର୍ଶ କ୍ରମେ ସେ କିଛି ଦିନ ଘରେ ବିଶ୍ରାମ କରିବେ । କରୋନା ଆରୋଗ୍ୟ ହେବା ପରେ ସେ ସେଣ୍ଟ ଥମାସ ହସ୍ପିଟାଲରେ ଡାକ୍ତର ଓ ସ୍ୱାସ୍ଥ୍ୟ କର୍ମୀମାନଙ୍କୁ ଧନ୍ୟବାଦ ଜଣାଇଛନ୍ତି ।