ସିବିଆଇ ଏକ ସ୍ୱାଧୀନ ସଂସ୍ଥା : ପୃଥ୍ୱୀରାଜ
ସିବିଆଇ ଏକ ସ୍ୱାଧୀନ ସଂସ୍ଥା : ପୃଥ୍ୱୀରାଜ
admin
5432
ଭୁବନେଶ୍ୱର: ବିଜେଡି ସିବିଆଇକୁ ଏତେ ଭୟ କାହିଁକି କରୁଛି । ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଜେଡି ବିଧାୟକ ଦେବୀ ପ୍ରସାଦ ମିଶ୍ରଙ୍କ ସରକାରୀ ଓ ପୈତୃକ ବାସଭବନ ସମେତ ମୋଟ ୮ଟି ସ୍ଥାନରେ ଗତକାଲି ଚଢଉ ପରେ ଏଭଳି ପ୍ରଶ୍ନ କରିଛନ୍ତି ବିଜେପି ନେତା ପୃଥ୍ୱୀରାଜ ହରିଚନ୍ଦନ । ସେ କହିଛନ୍ତି ଯେ, ସିବିଆଇ ବିଜେପିର ମୋର୍ଚ୍ଚା ନୁହେଁ । ଏହା ଏକ ସ୍ୱାଧୀନ ସଂସ୍ଥା । କେବଳ ଦେବୀ ମିଶ୍ର ନୁହନ୍ତି, ବହୁ ନେତା ଓ ଅଫିସର ଏଥିରେ ସମ୍ପୃକ୍ତ । ଚିଟଫଣ୍ଡ ସ୍କାମରେ ସମ୍ପୃକ୍ତ ସମସ୍ତେ ଦଣ୍ଡ ପାଇବେ । ବିଜେଡି ସିବିଆଇକୁ ଏତେ ଭୟ କାହିଁକି କରୁଛି । ସିବିଆଇ ଏକ ସ୍ୱାଧୀନ ସଂସ୍ଥା । କାହା ଉପରେ କାର୍ୟ୍ୟାନୁଷ୍ଠାନ ହେବ ତାହା ସେମାନଙ୍କ ନିଷ୍ପତ୍ତି । ସୁପ୍ରିମକୋର୍ଟଙ୍କ ନିଦେ୍ର୍ଧଶରେ ସିବିଆଇ କାମ କରୁଛି । ତଦନ୍ତ ନିଷ୍କର୍ଷରେ ପହଞ୍ଚିବା ନେଇ ଆଶା ରହିଛି ବୋଲି ଶ୍ରୀ ହରିଚନ୍ଦନ କହିଛନ୍ତି ।
ପ୍ରକାଶ ଯେ, ଗତକାଲି ୟୁନିଟ-୧ସ୍ଥିତ ଦେବୀ ମିଶ୍ରଙ୍କ ବାସଭବନରେ ଦୀର୍ଘ ସମୟ ଧରି ସିବିଆଇ ପଚରାଉଚୁରା କରିଥିଲା । ସିବିଆଇ ଅଧିକାରୀମାନେ ଫେରିବାବେଳେ ସାଙ୍ଗରେ କିଛି ଜରୁରୀ କାଗଜପତ୍ର ମଧ୍ୟ ଜବତ କରିଥିଲେ । ତେବେ ସିବିଆଇର ରେଡ ପରେ ବିଜେଡି ଶିବିରରେ କମ୍ପନ ସୃଷ୍ଟି ହୋଇଥିଲା । ଆଗକୁ ବିଜେଡି ଦୁଇଟି ଉପନିର୍ବାଚନ ସାମନା କରିବାକୁ ଯାଉଥିବାବେଳେ ପୁଣି ଜଣେ ବରିଷ୍ଠ ବିଧାୟକଙ୍କୁ ସିବିଆଇ ତା’ର ପଞ୍ଝାକୁ ନେବା ଲାଗି କସରତ ଆରମ୍ଭ କରିଦେଇଥିବା କୁହାଯାଉଛି । ପୂର୍ବରୁ ସି-ସୋର ମାମଲାରେ ବିଧାୟକ ପ୍ରଭାତ ବିଶ୍ୱାଳଙ୍କୁ ସିବିଆଇ ଗିରଫ କରିଥିବାବେଳେ ଏବେ ସେ ଜାମିନରେ ଅଛନ୍ତି ।
