ସାରାଙ୍କୁ ଭିକାରୀ ଭାବି ଲୋକ ଟଙ୍କା ଦେଇଥିଲେ

Nov 21, 2020 - 09:06 Updated: Nov 21, 2020 - 09:06

5855

ବଲିଉଡର ଚୁଲବୁଲି ନାୟିକା ସାରା ଅଲ୍ଲୀ ଖାନ ସୋସିଆଲ ମିଡିଆରେ ତାଙ୍କ ପିଲା ଦିନର ଏକ ଅନୁଭୂତି ସେୟାର କରିଛନ୍ତି । ସେ କହିଛନ୍ତି ମୁଁ ଛୋଟ ଥିଲା ବେଳେ ଦିନେ ମତେ ଲୋକମାନେ ଭିକାରୀ ଭାବେ ଟଙ୍କା ଦେଇଥିଲେ । ସାରା କହିଛନ୍ତି ପିଲାବେଳେ ମୁଁ ବାପା ସୈଫ ଅଲ୍ଲୀ ଖାନ ଓ ମା ଅମି୍ରତା ସିଂହଙ୍କ ସହ ଛୁଟି କାଟିବାକୁ ବିଦେଶ ଯାଇଥିଲି । ସପିଂ ପାଇଁ ମା, ବାବା ଦୋକାନ ଭିତରକୁ ଯାଇଥିବା ବେଳେ ମୁଁ ଓ ଭାଇ ଇବ୍ରାହିମ ବାହାରେ ଠିଆ ହୋଇଥିଲୁ । କିଛି ସମୟ ଠିଆ ହେବା ପରେ କୌତୁହଳ ପୂର୍ବକ ମୁଁ ରାସ୍ତା ଉପରେ ଅନ୍ୟ ମନସ୍କ ହୋଇ ନାଚିବାରେ ଲାଗିଲି । ମୋର ନାଚ ଦେଖି, ସେହି ରାସ୍ତା ଦେଇ ଯିଏ ଯାଉଥିଲା ମୋତେ ଟଙ୍କା ଦେଇ ଯାଉଥିଲେ । ବାପା ଓ ମା ଦୋକାନରୁ ଫେରିବା ପରେ ମୁଁ ଖୁସିରେ ସବୁ ଟଙ୍କା ତାଙ୍କୁ ଦେଇ କହିଲି ମୁଁ ଏତେ କୁ୍ୟଟି ବୋଲି ଲୋକମାନେ ମୋତେ ଟଙ୍କା ଦେଇ ଯାଉଛନ୍ତି । ସେତେବେଳେ ମା ମୋତେ କକହିଥିଲେ ସେମାନେ ତୋତେ ଭିକାରୀ ଭାବି ସାହାଯ୍ୟ ଦେଉଛନ୍ତି । ଏବେ ବି ଏହି କଥା ମନେ ପଡିଲେ, ବହୁତ ହସ ଲାଗେ ବୋଲି ସାରା କହିଛନ୍ତି ।