ସରକାରଙ୍କ ନଜର ଏବେ ଦୁବାଇ ଫେରନ୍ତାଙ୍କ ଉପରେ
ସରକାରଙ୍କ ନଜର ଏବେ ଦୁବାଇ ଫେରନ୍ତାଙ୍କ ଉପରେ
admin
3328
ଭୁବନେଶ୍ୱର: ସାରା ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ବେଳେ ଓଡ଼ିଶାରେ କରୋନା ଆକ୍ରାନ୍ତଙ୍କ ସଂଖ୍ୟା ୫ ରେ ପହଞ୍ଚିଛି । ଏହା ପରେ ରାଜ୍ୟ ସରକାରଙ୍କ ଚିନ୍ତା ବଢ଼ିଛି । ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଲା ସାରା ଦେଶରେ ଯେଉଁ ଟ୍ରେଣ୍ଡ ଦେଖାଦେଇଛି ସେଭଳି ସ୍ଥିତିରେ ଚତୁର୍ଥ କରୋନା ଆକ୍ରାନ୍ତ ସମସ୍ତଙ୍କ ଚିନ୍ତା ବଢ଼ାଇ ଦେଇଛନ୍ତି । କାରଣ ଦେଶରେ ଯେତିକି କରୋନା ଆକ୍ରାନ୍ତ ଚିହ୍ନଟ ହୋଇଛି ସେଥିରେ ସବୁଠୁ ଅଧିକ ଦୁବାଇ ଫେରନ୍ତା । ଆଉ ଓଡ଼ିଶାରେ ଚିହ୍ନଟ ହୋଇଥିବା ଚତୁର୍ଥ କରୋନା ଆକ୍ରାନ୍ତ ହିଁ ଦୁବାଇରୁ ଫେରିଥିଲେ ।
ନିକଟରେ ଉତ୍ତରପ୍ରଦେଶ ଗାଜିଆବାଦସ୍ଥିତ ସନ୍ତୋଷ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସେସର ଜନସ୍ୱାସ୍ଥ୍ୟ ଗବେଷକ ଡ.ଅନୁପମ ସିଂହ ଗବେଷଣା କରି ଜାଣିବାକୁ ପାଇଛନ୍ତି ଯେ, ଦେଶରେ ୭୨୦ ଜଣ କରୋନା ଆକ୍ରାନ୍ତଙ୍କ ମଧ୍ୟରୁ ୧୦୦ ଜଣ ଦୁବାଇ ଫେରନ୍ତା ଥିଲେ । କେବଳ ଏତିକି ନୁହେଁ ଦୁବାଇ ପରେ ସବୁଠୁ ଅଧିକ କରୋନା ଆକ୍ରାନ୍ତ ଇଂଲଣ୍ଡ, ଇଟାଲି, ସାଉଦି ଆରବ ଓ ଆମେରିକାରୁ ଫେରିଥିବା ଲୋକମାନେ ଅଛନ୍ତି । କରୋନା ଆକ୍ରାନ୍ତଙ୍କ ଯାତ୍ରା ଇତିହାସରୁ ଏହା ଜାଣିବାକୁ ମିଳିଛି । ସାରା ଦେଶରେ ଲକଡାଉନ ହେବା ପୂର୍ବରୁ ଓଡ଼ିଶାକୁ ଶତାଧିକ ଓଡ଼ିଆ ଦୁବାଇ ଓ ସାଉଦି ଆରବରୁ ଫେରିଛନ୍ତି । ଏଥିରୁ ଅଧିକାଂଶ ଏବେ ଗ୍ରାମାଞ୍ଚଳରେ ଅଛନ୍ତି ।
