ସରକାର ଗୃହର ଗାରିମା ଭାଙ୍ଗିଛନ୍ତି : ଜୟନାରାୟଣ
ସରକାର ଗୃହର ଗାରିମା ଭାଙ୍ଗିଛନ୍ତି : ଜୟନାରାୟଣ
admin
3360
ଭୁବନେଶ୍ୱର: ରାଜ୍ୟରେ ଧାନକିଣା ସମସ୍ୟା ନେଇ ବିଧାୟକ ଜୟନାରାୟଣ ମିଶ୍ର ନିଜର ବିବୃତ୍ତି ରଖିଛନ୍ତି । ସେ କହିଛନ୍ତି ଯେ, ଆଲୋଚନା ପରେ ଯଦି କାର୍ଯ୍ୟନହେଉଛି, ତାହେଲେ ଗୃହ ଚାଲିବ କାହିଁକି । ସରକାର ଗୃହର ଗାରିମା ଭାଙ୍ଗିଛନ୍ତି । ଗୃହର ନିଷ୍ପତ୍ତି କାର୍ଯ୍ୟକାରୀ ହେଉନି । ବାଚସ୍ପତିଙ୍କ ନିଦେ୍ର୍ଧଶ ମଧ୍ୟ କାର୍ଯ୍ୟକାରୀୀ କରାଯାଉନାହିଁ । ଆଜି ବି ଅନେକ ମଣ୍ଡିରେ ଧାନ ପଡ଼ିରହିଛି । ଗାଈଗୋରୁ ଖାଉଛନ୍ତି । ଆମକୁ ଲୋକେ ପଚାରୁଛନ୍ତି ବୋଲି କହିବା ସହ ସରକାରୀ ଶୀଘ୍ର ଧାନ ଉଠାଇବାକୁ ଶ୍ରୀ ମିଶ୍ର ଦାବି କରିଛନ୍ତି ।
ଏହା ପୂର୍ବରୁ ଧାନମଣ୍ଡି ସମସ୍ୟାକୁ ନେଇ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ଗର୍ଜିଥିଲେ । ଯେ ପର୍ଯ୍ୟନ୍ତ ଧାନ ଉଠୁନି, ସେଯାଏ ବିଧାନସଭା ଚାଲିବାକୁ ଦେବୁନି ବୋଲି ତାରା କହିଥିଲେ ।
ତାରା କହିଛନ୍ତି ଯେ, ବିଜେଡି ନେତା କହିପାରୁନାହାନ୍ତି, ଆମ ଦ୍ୱାରା କୁହାଉଛନ୍ତି । ଗୃହରେ ନିଜ ସମସ୍ୟା କହିବା ଲାଗି ନବୀନ ପଟ୍ଟନାୟକ କାହାକୁ ଅଧିକାର ଦେଉନାହାନ୍ତି । ଏଠି ଅମଲାମାନଙ୍କ ଶାସନ ଚାଲିଛି । ସମସ୍ତ ଧାନ ଉଠାଇବାକୁ ବାଚସ୍ପତି ରୁଲିଂ ଦିଅନ୍ତୁ ବୋଲି ତାରା ଦାବି କରିଥିଲେ ।
