ସବୁଠୁ ଚର୍ଚ୍ଚାରେ ଧର୍ମେନ୍ଦ୍ର ଓ ନବୀନଙ୍କ ସମ୍ପର୍କ
ସବୁଠୁ ଚର୍ଚ୍ଚାରେ ଧର୍ମେନ୍ଦ୍ର ଓ ନବୀନଙ୍କ ସମ୍ପର୍କ
admin
3020
ରାଜ୍ୟରେ ବିଜେପିର ଚେହେରା ବୋଲି ଚିତ୍ରଣ କରାଯାଉଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ନବୀନ ପଟ୍ଟନାୟକଙ୍କ ମଧ୍ୟରେ ସମ୍ପର୍କ ଚଳିତବର୍ଷ ବେଶ୍ ଚର୍ଚ୍ଚାରେ ରହିଛି । ପିସି, ଚିଟଫଣ୍ଡ, ଖଣି ଦାନବଙ୍କୁ ବିଜେଡି ମୁଖିଆ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୁରକ୍ଷା ଦେଉଛନ୍ତି ଓ ଦୁର୍ନୀତିର ଚେର ନବୀନ ନିବାସ ପର୍ୟ୍ୟନ୍ତ ଲମ୍ବିଛି ବୋଲି ବର୍ଷ ଆରମ୍ଭରେ ଗଞ୍ଜାମରେ ଦେଇଥିବା ବୟାନ ଧର୍ମେନ୍ଦ୍ର କୋଇଲା ଦୁର୍ନୀତିରେ ନବୀନଙ୍କୁ ସିବିଆଇ ଜେରା କରିଛି କି ନାହିଁ ବୋଲି ପ୍ରଶ୍ନ କରି ରାଜନୀତିକ ହଟଚମଟ ସୃଷ୍ଟି କରିଥିଲେ । ମୁଖ୍ୟମନ୍ତ୍ରୀଙ୍କୁ ସିବିଆଇ ଜେରା କରିଛି କି ନାହିଁ ବୋଲି ଜଣେ କେନ୍ଦ୍ରମନ୍ତ୍ରୀଙ୍କ ଦ୍ୱାରା ପ୍ରଶ୍ନର ଜବାବ ଦେବାରେ ବିଜେଡି ଯଦିଓ ବିଫଳ ହୋଇଥିଲା କିନ୍ତୁ ଏପ୍ରିଲ ୨୯ରେ ରାଜ୍ୟରେ ୪ଟି ପର୍ୟ୍ୟାୟ ନିର୍ବାଚନ ଶେଷ ହେବାପର ଦିନ ହିଁ ନବୀନ ଓ ଧର୍ମେନ୍ଦ୍ରଙ୍କ ସମ୍ପର୍କରେ ନୂଆ ଅଧ୍ୟାୟ ଆରମ୍ଭ ହୋଇଯାଇଥିଲା। ସାଧାରଣ ନିର୍ବାଚନ ପୂର୍ବରୁ ନବୀନଙ୍କୁ କଟୂ ସମାଲୋଚନା କରୁଥିବା ଧର୍ମେନ୍ଦ୍ର ଏପ୍ରିଲ ୩୦ରେ ଦିଲ୍ଲୀ ବିମାନ ବନ୍ଦରରେ ତାଙ୍କୁ ଦେଖାଇଥିବା ସମ୍ମାନ ଓ ଆଦର ହିଁ ରାଜ୍ୟରେ ବିଜେପି ଓ ବିଜେଡି ମଧ୍ୟରେ ସମ୍ପର୍କର ନୂଆ ପରିଭାଷା ସୃଷ୍ଟି କରିଥିଲା। ଆଉ ଏହି କାରଣରୁ ପ୍ରାୟତଃ ସବୁବେଳେ ନବୀନ ଓ ରାଜ୍ୟ ସରକାରଙ୍କୁ ସିଧାସଳଖ ସମାଲୋଚନା କରୁଥିବା ଧର୍ମେନ୍ଦ୍ରଙ୍କୁ ଏବେ ବିଭିନ୍ନ ପ୍ରସଙ୍ଗରେ ଚୁପ୍ ରହୁଥିବା ଦେଖିବାକୁ ମିଳୁଛି।
