ଝିଅର ‘ଆରତି’ ଦେଖି ଟିଭି ଭାଙ୍ଗିଥିଲେ ଆଫି୍ରଦ
ଝିଅର ‘ଆରତି’ ଦେଖି ଟିଭି ଭାଙ୍ଗିଥିଲେ ଆଫି୍ରଦ
admin
6443
କରାଚି - ପାକିସ୍ତାନର ପୂର୍ବତନ ଅଧିନାୟକ ସାହିଦ ଆଫି୍ରଦଙ୍କର ଏକ ପୁରୁଣା ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଟିଭିରେ ‘ଆରତି’ ଦୃଶ୍ୟ ଦେଖି ଆଫି୍ରଦଙ୍କ ଝିଅ ତାକୁ ଅନୁକରଣ କରୁଥିଲେ । ଏହା ଦେଖି ଆଫି୍ରଦ ରାଗି ଯାଇ ଟିଭିକୁ ଭାଙ୍ଗି ଦେଇଥିଲେ । ଭାଇରାଲ ହେଉଥିବା ଭିଡିଓରେ ଆଫି୍ରଦଙ୍କୁ ପ୍ରଶ୍ନ କରାଯାଉଛି, ଆପଣ ଘରେ କେବେ ଟିଭି ଭାଙ୍ଗିଛନ୍ତି କି? ଉତ୍ତରରେ ନିଜ ସ୍ତ୍ରୀ ପାଇଁ ଥରେ ଟିଭି ଭାଙ୍ଗିଥିବା ଆଫି୍ରଦ ସ୍ୱୀକାର କରିଥିଲେ । ଆଫି୍ରଦଙ୍କ କହିବା ଅନୁଯାୟୀ ଭାରତୀୟ ଟିଭି ଚ୍ୟାନେଲ ଗୁଡ଼ିକରେ ଆସୁଥିବା କାର୍ଯ୍ୟକ୍ରମ ପିଲାମାନଙ୍କ ସହ ମିଶି ନ ଦେଖିବା ପାଇଁ ତାଙ୍କ ପତ୍ନୀକୁ କହିଥିଲେ । ମାତ୍ର ଷ୍ଟାର ପ୍ଲସର ଏକ କାର୍ଯ୍ୟକ୍ରମ ଦେଖି ତାଙ୍କ ଝିଅ ଅନୁକରଣ କରି ‘ଆରତି’ କରୁଥିବା ଦେଖିବା ପରେ ସେ ଟିଭି ଭାଙ୍ଗି ଦେଇଥିଲେ । ପାକିସ୍ତାନର ଦ୍ରୁତ ବୋଲର ସୋଏବ ଅଖତର ନିକଟରେ କହିଥିଲେ ଦାନିଶ କାନେରିଆ ହିନ୍ଦୁ ହୋଇଥିବାରୁ ଦଳ ଭିତରେ ଭେଦଭାବର ଶିକାର ହୋଇଥିଲେ । ଏହା ପରେ ଆଫି୍ରଦଙ୍କ ଏହି ଭିଡିଓ ଭାଇରାଲ ହେଉଛି । ଯାହା ଅଖତରଙ୍କ କଥାକୁ ପୂର୍ଣ୍ଣ ସମର୍ଥନ କରୁଛି ବୋଲି ସାମାଜିକ ଗଣମାଧ୍ୟମରେ ଚର୍ଚ୍ଚା ହେଉଛି ।
