ସଂସଦ କ୍ୟାଣ୍ଟିନରୁ ସବସିଡି ହଟିଲା

Dec 6, 2019 - 06:20 Updated: Dec 6, 2019 - 06:20

2721

ନୂଆଦିଲ୍ଲୀ: ସାଂସଦମାନଙ୍କୁ ସଂସଦ କ୍ୟାଣ୍ଟିନରେ ଖାଦ୍ୟ ଉପରେ ଯେଉଁ ସବସିଡି ମିଳୁଥିଲା ସେଥିରେ ପୂର୍ଣ୍ଣଚ୍ଛେଦ ପଡ଼ିଛି । ଏଣିକି ସଂସଦ କ୍ୟାଣ୍ଟିନରେ ବଜାର ଦର ଅନୁଯାୟୀ ଖାଦ୍ୟ ଉପଲବ୍ଧ ହେବ । ବିଏସି (ବ୍ୟବସାୟ ପରାମର୍ଶଦାତା କମିଟି) ବୈଠକରେ ଏହି ନିଷ୍ପତ୍ତି ନିଆଯାଇଛି । ସଂସଦର ଉଭୟ ଗୃହର ସଦସ୍ୟମାନେ ଏହି ବୈଠକରେ ଯୋଗ ଦେଇଥିବା ବେଳେ ସମସ୍ତ ସଦସ୍ୟମାନେ ଖାଦ୍ୟ ଉପରୁ ସବସିଡି ହଟିବା ନିଷ୍ପତ୍ତିରେ ରାଜି ହୋଇଥିଲେ । ଲୋକସଭା ବାଚସ୍ପତି ଓମ୍ ବିର୍ଲାଙ୍କ ଦ୍ୱାରା ବୈଠକରେ ଏ ସଂକ୍ରାନ୍ତ ପ୍ରସ୍ତାବ ଅଣାଯାଇଥିଲା । ଖାଦ୍ୟ ପାଇଁ ଯେଉଁ ସବସିଡି ଦିଆଯାଉଥିଲା ସେଥିପାଇଁ ୧୭ କୋଟି ଟଙ୍କା ବ୍ୟୟ ହେଉଥିଲା । ଆସନ୍ତା ଅଧିବେଶନରୁ ସଂସଦ କ୍ୟାଣ୍ଟିନରେ ଖାଦ୍ୟ ଉପରକୁ ସବସିଡି ହଟିବ । ନୂଆ ମୂଲ୍ୟ ଲୋଭସଭା ଏବଂ ରାଜ୍ୟସଭାର ସମସ୍ତ ସାଂସଦ, ଗଣମାଧ୍ୟମ ପ୍ରତିନିଧି, ସୁରକ୍ଷାକର୍ମୀ ଏବଂ ପରିଦର୍ଶକଙ୍କ ପାଇଁ ଲାଗୁ ହେବ ।