ସଂକ୍ରମଣରୁ ସୁରକ୍ଷା ଦେବ ଏହି ଶାଢ଼ି, କେଉଁଠି ମିଳୁଛି ଓ କେତେ ଦାମ୍ ଜାଣନ୍ତୁ
ସଂକ୍ରମଣରୁ ସୁରକ୍ଷା ଦେବ ଏହି ଶାଢ଼ି, କେଉଁଠି ମିଳୁଛି ଓ କେତେ ଦାମ୍ ଜାଣନ୍ତୁ
admin
1943
କରୋନା ମହାମାରୀର ଏହି ସମୟରେ ସଂକ୍ରମଣରୁ ବର୍ତ୍ତିବା ପାଇଁ ଲୋକେ ବିଭିନ୍ନ ପ୍ରକାର ଉପାୟ ଅବଲମ୍ବନ କରୁଛନ୍ତି । ମଧ୍ୟପ୍ରଦେଶ ହସ୍ତତନ୍ତ ଏବଂ ହସ୍ତକଳା ନିଗମ ପକ୍ଷରୁ ଏଥିପାଇଁ ଏକ ନିଆରା ଉଦ୍ୟମ କରାଯାଉଛି । ନିଗମ ପକ୍ଷରୁ ସଂକ୍ରମଣରୁ ସୁରକ୍ଷା ଦେବା ପାଇଁ ସ୍ୱତନ୍ତ୍ର ଶାଢ଼ି ପ୍ରସ୍ତୁତ କରାଯାଉଛି । ଏହି ଶାଢ଼ି ପ୍ରସ୍ତୁତି ସମୟରେ ପ୍ରାକୃତିକ ଔଷଧ ଏବଂ ଜଡ଼ିବୁଟିର ଉପଯୋଗ କରାଯାଉଛି । ଏଥିପାଇଁ ପ୍ରଥମେ ଲବଙ୍ଗ, ଅଳେଇଚ, ଗୋଲମରିଚ, କିଛି ଔଷଧୀୟ ଗୁଳ୍ମ ଏବଂ ଅନ୍ୟ ମସଲାର ମିଶ୍ରଣ ପ୍ରସ୍ତୁତ କରାଯାଏ । ତା’ପରେ ସେହି ପାଉଡର ବା ଗୁଣ୍ଡକୁ ସୂତା କପଡ଼ାରେ ପୋଟଳି ଆକାରରେ ବାନ୍ଧି ପ୍ରାୟ ୨ ଦିନ ପାଣିରେ ବୁଡ଼ାଇ ରଖାଯାଏ । ପରେ ସେହି ପାଣିକୁ ଗରମ କରାଯାଇଥାଏ । ତାର ବାମ୍ପରେ ଶାଢ଼ି ପ୍ରସ୍ତୁତ ହୋଇଥିବା କପଡ଼ାକୁ ବହୁ ଘଣ୍ଟା ଧରି ସିଝାଯାଏ । ଉଦେ୍ଧଶ୍ୟ ହେଲା ଔଷଧର ଅର୍କ ଯେପରି କପଡ଼ାରେ ଭଲ ଭାବେ ଜଡ଼ିଯିବ । ଏହି ସ୍ପଷ୍ଟୀକରଣ ପଦ୍ଧତିରେ ପ୍ରସ୍ତୁତ ହେଉଥିବା ଶାଢ଼ିରେ କୌଣସି ରୋଗ ଜୀବାଣୁ ସହଜରେ ତିଷ୍ଠିପାରନ୍ତି ନାହିଁ । ଏହି ଔଷଧୀୟ ଶାଢ଼ି ଦେହରେ ଲାଗି ରହିବା ଫଳରେ ଶରୀରର ରୋଗ ପ୍ରତିରୋଧକ ଶକ୍ତି ମଧ୍ୟ ବଢ଼ାଇବାରେ ସହାୟକ ହେବ ବୋଲି ନିଗମ ପକ୍ଷରୁ ଦାବି କରାଯାଇଛି । ଶାଢ଼ିର ଦାମ ୩-୫ ହଜାର ମଧ୍ୟରେ ରହିଛି । ବର୍ତ୍ତମାନ ଭୋପାଳ ଓ ଇନେ୍ଦାରରେ ଏହାର ବିକି୍ର ଆରମ୍ଭ ହୋଇଛି । ତେବେ ଏହା ଜୀବନସାରା ରୋଗ ଜୀବାଣୁକୁ ପ୍ରତିରୋଧ କରିପାରିବ ନାହିଁ । ୪-୫ ଥର ଧୁଆ ହେବା ଯାଏ ଶାଢ଼ିରେ ଏହି ଗୁଣ ରହିଥାଏ ।
