ଶାହାଙ୍କୁ ଯାଦବପୁରରେ ଅନୁମତି ମିଳିଲାନି
ଶାହାଙ୍କୁ ଯାଦବପୁରରେ ଅନୁମତି ମିଳିଲାନି
admin
2728
କୋଲକତା: ବିଜେପି ସଭାପତି ଅମିତ ଶାହାଙ୍କୁ ପଶ୍ଚିମ ବଙ୍ଗ ସରକାର ଯାଦବପୁରରେ ରାଲି କରିବାକୁ ଅନୁମତି ଦେଇନାହାନ୍ତି । ଶାହାଙ୍କ ରାଲି ଆଜି ଯାଦବପୁରରେ ହେବାକୁ ଥିବାବେଳେ ଗତକାଲି ରାତିରେ ରାଜ୍ୟ ସରକାର ଏଥିପାଇଁ ଅନୁମତି ଦେବାକୁ ମନା କରିଦେଇଛନ୍ତି । ଏଥିସହିତ ଏହି ନିର୍ବାଚନମଣ୍ଡଳୀରେ ଶାହଙ୍କ ହେଲିକପ୍ଟର ଓହ୍ଲାଇବା ଲାଗି ଦିଆଯାଇଥିବା ଅନୁମତିକୁ ମଧ୍ୟ ପ୍ରତ୍ୟାହାର କରି ନିଆଯାଇଛି । ବିଜେପି ନେତା ତଥା କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ସାମ୍ବାଦିକମାନଙ୍କୁ ଏହି ସୂଚନା ଦେଇଛନ୍ତି ।
ନିର୍ବାଚନ କମିସନ ପଶ୍ଚିମବଙ୍ଗ ସରକାରଙ୍କ ଏଭଳି କାର୍ଯ୍ୟକୁ ସଂଜ୍ଞାନକୁ ନେବାଲାଗି ସେ ଅନୁରୋଧ କରିଛନ୍ତି । ଏହା ଗଣତନ୍ତ୍ରର ହତ୍ୟା । ଯଦି ଗୁରୁତ୍ୱପୂର୍ଣ୍ଣ ନେତାମାନଙ୍କୁ ରାଲି କରିବାକୁ ଅନୁମତି ନମିଳିବ ତାହେଲେ ନିର୍ବାଚନର ମାନେ କଣ ବୋଲି ଜାଭଡେକର ପ୍ରଶ୍ନ କରିଛନ୍ତି । ପଶ୍ଚିମବଙ୍ଗରେ ଗଣତନ୍ତ୍ର ବଦଳରେ ମମତା ଏକଛତ୍ରବାଦ ଚଳାଛନ୍ତି ବୋଲି ଜାଭଡେକର ପ୍ରଶ୍ନ କରିଛି । ରାଲି କରିବାକୁ ଅନୁମତି ଦିଆ ନଯିବା ଅର୍ଥ ରାଜ୍ୟରେ ବିଜେପି ପ୍ରତି ବୃଦ୍ଧି ପାଉଥିବା ସମର୍ଥନକୁ ନେଇ ମମତା ହତାଶ ହୋଇ ପଡିଛନ୍ତି । ତେବେ ବିଜେପି ଗଣମାଧ୍ୟମ ମୁଖ୍ୟ ତଥା ରାଜ୍ୟ ସଭା ଏମପି ଅନିଲ ବାଲୁନି କହିଛନ୍ତି ତାଙ୍କ ଦଳ ଏହା ବିରୋଧରେ ପ୍ରତିବାଦ କରିବା ସହିତ ନିର୍ବାଚନ କମିସନଙ୍କ ଦ୍ୱାରସ୍ଥ ହେବ । ତେବେ ଜୟନଗରଠାରେ ଏକ ରାଲିରେ ଉଦବୋଧନ ଦେଇ ଶାହ ମୁଖ୍ୟମନ୍ତ୍ରୀ ମମତାଙ୍କୁ ଚ୍ୟାଲେଞ୍ଜ ଦେଇଛନ୍ତି । ସେହିଭଳି ଉତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ପକ୍ଷରୁ ହେବାକୁ ଥିବା ନିର୍ବାଚନ ର୍ୟାଲିକୁ ମଧ୍ୟ ପ୍ରଶାସନ ଅନୁମତି ଦେଇନାହିଁ । ଯୋଗୀ ଆଦିତ୍ୟନାଥଙ୍କର ୧୫ ତାରିଖରେ ଦକ୍ଷିଣ କୋଲକାତା ର୍ୟାଲି କରିବାର କାର୍ଯ୍ୟକ୍ରମ ରହିଥିଲା ।
