ଲେମ୍ବୁ ଫସଲର ଖତସାର ପରିଚାଳନା ଉପରେ ତାଲିମ ଶିବିର
ଲେମ୍ବୁ ଫସଲର ଖତସାର ପରିଚାଳନା ଉପରେ ତାଲିମ ଶିବିର
admin
6397
କରଂଜିଆ : କୃଷି ଓ କୃଷକକୁ ନେଇ ଆରମ୍ଭ ହୋଇଥିବା ଅଟଳ ଯୋଜନା ସାରା ଭାରତରେ ଏକ ସ୍ୱାଗତଯୋଗ୍ୟ ପଦକ୍ଷେପ । ଜାତୀୟ ଦକ୍ଷତା ବିକାଶ ମିଶନ ଦ୍ୱାରା ପ୍ରସାରିତ ଏହି ଯୋଜନା ଦ୍ୱାରା ସାରା ଓଡ଼ିଶାର ଏକ ଲକ୍ଷ ଚାଷୀଙ୍କୁ ତାଲିମ ଦେଇ ଉଦ୍ୟୋଗୀ କରିବାର ଯୋଜନା ରହିଛି । ସେମାନଙ୍କ ମଧ୍ୟରେ ଥିବା ଅନ୍ତର୍ନିହିତ ଦକ୍ଷତାର ପରିପ୍ରକାଶ ନିମନ୍ତେ ଏହାର ପରିକଳ୍ପନା । ଏହାକୁ ନଜରରେ ରଖି ମୟୂରଭଂଜ ଜିଲ୍ଲା କରଞ୍ଜିଆ ନିକଟସ୍ଥ ନୂଆଗାଁ ଗ୍ରାମରେ କୃଷକ ମାନଙ୍କୁ ତାଲିମ ପ୍ରଦାନ କରାଯାଇଛି । ମୁଁ ସଫଳ କୃଷି ଉଦ୍ୟୋଗୀର ବାର୍ତ୍ତା ନେଇ ଆରମ୍ଭ ହୋଇଥିବା ଏହି ଅଟଳ ଯୋଜନା ଏକ ଲକ୍ଷ ଚାଷୀଙ୍କୁ ଉଦ୍ୟୋଗୀ କରିବାର କାର୍ଯ୍ୟକ୍ରମ ରହିଛି । ଏହି ପରିପ୍ରେକ୍ଷୀରେ ସେଂଚୁରିଆନ କୃଷି ବିଶ୍ୱବିଦ୍ୟାଳୟର ଚତୁର୍ଥ ବର୍ଷର ଛାତ୍ର – ନରେନ୍ଦ୍ର କୁମଝୁରିଆ ଓ ବିକାଶ ନାୟକ ଲେମ୍ବୁ ଫସଲର ଖତସାର ପରିଚାଳନା ଏବଂ ଜଳ ପରିଚାଳନା ଉପରେ ଉପରେ ତାଲିମ ପ୍ରଦାନ କରିଥିଲେ । ଦୁଇଟି ବେଚ୍ରେ ପାଖାପାଖି ୧୦୦ଜଣ ଚାଷୀଙ୍କୁ ତାଲିମ ପ୍ରଦାନ କରାଯାଇଥିଲା । ନୂଆଗାଁ ଚମ୍ପାଝର ଠାରେ ଗ୍ରାମ ଠାରେ ୟାଡର଼୍ ଟ୍ରଷ୍ଟ ସହଯୋଗରେ ଏହି ତାଲିମ ଶିବିର ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମା ସନ୍ତୋଷୀ ଟ୍ରଷ୍ଟର କର୍ମକର୍ତ୍ତା ପରିଚାଳନାରେ ସହଯୋଗ କରିଥିଲେ । ପ୍ରଶିକ୍ଷକଙ୍କ ମତରେ ୨୦୨୨ ସୁଦ୍ଧା ମୋଦୀଜି କହିଥିବା ଚାଷୀଙ୍କର ଆୟକୁ ଦୁଇଗୁଣ କରାଯିବାର ଲକ୍ଷ୍ୟକୁ ପ୍ରତିଫଳିତ କରିବା ଦିଗରେ ଆମେ ଚେଷ୍ଟା କରୁଛୁ । ଏବେ ସୁଦ୍ଧା ପ୍ରାୟ ୩୦୦୦୦ ଚାଷୀଙ୍କୁ ତାଲିମ ପ୍ରଦାନ କରାସରିଲାଣି । ଆହୁରି ଏଦିଗରେ ବ୍ୟାପକ ଯୋଜନା କରାଯିବ । ଏହି ଶିବିରରେ ଓଡ଼ିଶାର ପ୍ରଥମ ଛାତ୍ର ସମ୍ପାଦିତ କୃଷି ପତ୍ରିକା ଶ୍ୟାମଳ ସୁବର୍ଣ୍ଣକୁ ଚାଷୀ ମାନଙ୍କ ମଧ୍ୟରେ ବଣ୍ଟନ କରାଯାଇଥିଲା । ଏହି ପତ୍ରିକା ଆମକୁ ଚାଷକାମରେ ବହୁ ସାହାଯ୍ୟ କରିବ ବୋଲି ଉପସ୍ଥିତ ଚାଷୀମାନେ କହିଥିଲେ ।
