ଲେବାନନ୍ ଉପରେ ମିସାଇଲ୍ ଆକ୍ରମଣର ଭ୍ରମ ସୃଷ୍ଟି ହେଲା
Arpit Pattnaik
ବାଣ ଦୋକାନରେ ଭୟଙ୍କର ନିଆଁ
ବାଣରେ ନିଆଁ ଲାଗି ଭୟଙ୍କର ବିସ୍ଫୋରଣ
ଏହା ଲେବାନନ ଉପରେ ଇସ୍ରାଇଲର ଆକ୍ରମଣ ନୁହେଁ
ଏକ ବାଣ ଦୋକାନରେ ନିଆଁ ଲାଗିବା ପରର ଦୃଶ୍ୟ
ନିଶ୍ଚିତ ମୃତ୍ୟୁ ମୁହଁରୁ ବର୍ତ୍ତିଗଲେ ଦୋକାନୀ ଓ ଗରାଖ
ଏଭଳି ଭୟଙ୍କର ବାଣ ଦୁର୍ଘଟଣା ହାଇଦ୍ରାବାଦ ସହରରେ ରବିବାର ସଂଧ୍ୟାରେ ଘଟି ଯାଇଚି । ଯାହାର ଭିଜୁଆଲ୍ ଏବେ ସୋସିଆଲ ମିଡିଆରେ ବାଣ ନିଆଁ ଠାରୁ ଅଧିକ ଜୋରରରେ ଭାଇରାଲ୍ ହେଉଛି । ହାଇଦ୍ରାବାଦ୍ ପୋଲିସର ସୁଚନା ଅନୁସାରେ ସହରର ରାମକୋଟ ବାଜରରେ ଥିବା ପାରସ୍ ବାଣ ଦୋକାନରେ ହଠାତ୍ ନିଆଁ ଲାଗି ଯାଇଥିଲା । ଏହି ସମୟରେ ଦୋକାନରେ ପ୍ରବଳ ଭିଡ ଥିଲା । ଦୋକାନରେ ନିଆଁ ଲାଗିବା ଖବର ଜଣା ପଡିବା ପରେ, ଉପସ୍ଥିତ ଗରାଖଙ୍କ ମଧ୍ୟରେ ଆତଙ୍କ ଖେଳି ଯାଇଥିଲା । ସମସ୍ତେ ଏକ ସଙ୍ଗରେ ବାହାରକୁ ବାହାରିବା ପାଇଁ ଉଦ୍ୟମ କରୁଥିବା ବେଳେ ଏଖ ପ୍ରକାର ଦଳା ଚକଟା ପରିସ୍ଥିତି ସୃଷ୍ଟି ହୋଇଥିଲା । ସେପଟେ ବାଣରେ ନିଆଁ ଲାଗିବା ବଢୁଥିବାରୁ ଆଖପାଖରେ ଥିବା ଅନ୍ୟ ଦୋକାନୀ ବି ଭୟଭିତ ହୋଇ ପଢିଥିଲେ । ସମସ୍ତେ ପଡି ଉଠି ଏକା ସଙ୍ଗରେ ରାସ୍ତା ଉପରେ ଦଉଡିବାକୁ ଲାଗିଥିଲେ । ଆଉ ବାଣ ଗୋଟିଏ ପରେ ଗୋଟିଏ ଫୁଟିବାରେ ଲାଗିଥିଲା । ଶେଷରେ ପରିସ୍ଥିତି ଉପରି ହୋଇଥିଲା ଯେ ଯୁଦ୍ଧ ବେଳେ ମିଶାଇଲା ଆକ୍ରମଣ ପରର ବିସ୍ଫାରଣ ଭଳି ଦୃଶ୍ୟ କ୍ୟାମେରାରେ ରେକ୍ରଡ ହୋଇଥିବା ଦେଖିବାକୁ ମିଳିଥିଲା । ଖବର ପାଇଁ ତୁରନ୍ତ ୪ଟି ଦମକଳ ଗାଡି ପହଞ୍ଚି ନିଆଁକୁ ଆୟତ କରିଥିଲା । ହେଲେ ସେତେବେଳକୁ ସବୁ ପୋଡି ପାଉଁଶ ହୋଇ ଯାଇଥିଲା । ସୌଭାଗ୍ୟକୁ କେହି ଏଥିରେ ମୃତାହତ ହୋଇ ନାହାନ୍ତି । ପୋଲିସ ସୂଚନା ଅନୁସାରେ ବାଣ ଦୋକାନର ଲାଇସେନ୍ସ ନ ଥିଲା । ବେଆଇନ ଭାବେ ଏ ସବୁ ବିକ୍ରି ଚାଲିଥିଲା ।
