ରକି ଭାଇଙ୍କ ପରିବାର ବିଷୟରେ ଜାଣନ୍ତୁ...

Apr 20, 2022 - 10:00 Updated: Apr 20, 2022 - 10:00

3144

ମୁମ୍ବାଇ: ଫିଲ୍ମ ‘କେଜିଏଫ୍-୨’ ବକ୍ସ ଅଫିସରେ ସୁପରହିଟ୍ ହୋଇଛି। ଏହି ଆକ୍ସନ ଫିଲ୍ମର ପ୍ରଥମ ପାର୍ଟ ୨୦୧୮ରେ ରିଲିଜ ହୋଇଥିଲା । ସେବେଠାରୁ ଦର୍ଶକ ଏହାର ଦ୍ୱିତୀୟ ପାର୍ଟକୁ ଅପେକ୍ଷା କରିଥିଲେ । କେଜିଏଫ ୨ ମଧ୍ୟ ୪ ଦିନ ମଧ୍ୟରେ ୫୦୦ କୋଟି ଟଙ୍କା ଆୟ କରିଛି। ‘କେଜିଏଫ-୧ର ରିଲିଜ ପରେ ୟଶଙ୍କ ଲୋକପ୍ରିୟତାର ବଢିଥିଲା । କେଜିଏଫ୍-୨ ୟଶଙ୍କୁ ବହୁ ଉପରକୁ ନେଇଯାଇଛି କହିଲେ ଭୁଲ ହେବ ନାହିଁ । ୟଶ ବର୍ତ୍ତମାନ ସାଉଥ ସିନେମାର ସବୁଠାରୁ ଦାମୀ ଷ୍ଟାରଙ୍କ ମଧ୍ୟରୁ ଜଣେ । ସେ ଗୋଟିଏ ଫିଲ୍ମ ପାଇଁ ୨୦ କୋଟି ଟଙ୍କା ଚାର୍ଜ କରନ୍ତିି । ତେବେ ‘କେଜିଏଫ୍- ୨’ ପାଇଁ ସେ ୨୭ କୋଟି ଟଙ୍କା ନେଇଥିବା ଚର୍ଚ୍ଚା ହେଉଛି । କେଜିଏଫ୍ର ରକି ଭାଇ ଭାବେ ସବୁଠି ପ୍ରଶଂସିତ ହେଉଥିବା ଯଶଙ୍କ ବ୍ୟକ୍ତିଗତ ଜୀବନ ବିଷୟରେ ଜାଣିବାକୁ ଫ୍ୟାନ ପୂରା ବ୍ୟଗ୍ର। ୟଶଙ୍କ ବାପା କର୍ଣ୍ଣାଟକ ଷ୍ଟେଟ ରୋଡୱେ ବସ୍ ଚଳାଉଥିଲେ । ୟଶ ଜଣେ ମଧ୍ୟବିତ୍ତ ଘରର ପିଲା । ୟଶଙ୍କ ପରିବାର ଚାହୁଁଥିଲେ ସେ ପାଠ ପଢି ଚାକିରି କରନ୍ତୁ । କିନ୍ତୁ ୟଶ ପିଲାଦିନରୁ ଜଣେ ଅଭିନେତା ହେବାକୁ ସ୍ୱପ୍ନ ଦେଖିଥିଲେ । ପରିବାରର ଇଚ୍ଛା ବିରୋଧରେ ସେ ଫିଲ୍ମ ଇଣ୍ଡଷ୍ଟ୍ରିରେ ପାଦ ରଖିଥିଲେ । ଆଜି ସେ ବଡ଼ ଷ୍ଟାରଙ୍କ ମଧ୍ୟରୁ ଜଣେ ।