ମୁମ୍ବାଇରେ ପୁଣି ଏକ ଭୟାନକ ଅଗ୍ନିକାଣ୍ଡ

Oct 13, 2019 - 06:19 Updated: Oct 13, 2019 - 06:19

5438

ମୁମ୍ବାଇ: ମୁମ୍ବାଇରେ ପୁଣି ଅଗ୍ନିକାଣ୍ଡ । ମହାରାଷ୍ଟ୍ରର ରାଜଧାନୀ ମୁମ୍ବାଇରେ ପୁଣି ଏକ ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି । ତେବେ ଏଥରୁ ସମସ୍ତଙ୍କୁ ନିରାପଦଭାବେ ଉଦ୍ଧାର କରାଯାଇଛି । ଏପରିକି ବିଶେଷ କିଛି କ୍ଷୟକ୍ଷତି ହୋଇନଥିବାର ମଧ୍ୟ ସୂଚନା ମିଳିଛି । ମିଳିଥିବା ସୂଚନା ଅନୁଯାୟୀ, ମୁମ୍ବାଇର ରଚନୀ ରୋଡ ଅଞ୍ଚଳରେ ଡ୍ରିମଲ୍ୟାଣ୍ଡ ସିନେମା ହଲ ନିକଟରେ ଥିବା ଏକ ଆବାସିକ କୋଠାରେ ରବିବାର ଭୋର ସମୟରେ ଭୟଙ୍କର ନିଆଁ ଲାଗିଥିଲା । ଏହି ତିନି ମହଲା ବିଶିଷ୍ଠ କୋଠାରେ ନିଆଁ ଲାଗିଥିବାର ଦେଖି ଆଖପାଖର ଲୋକେ ଉଠିପଡ଼ିଥିଲେ। ସେମାନେ ତତକ୍ଷଣାତ ଅଗ୍ନିଶମ ବାହିନୀକୁ ଖବର ଦେଇଥିଲେ। ଅଗ୍ନିକାଣ୍ଡ ପହଞ୍ଚି କୋଠାରେ ଫସିଥିବା ୫ଜଣଙ୍କୁ ସୁରକ୍ଷିତଭାବେ ଉଦ୍ଧାର କରିଥିଲେ । ଅଗ୍ନିଶମ ବିଭାଗର କର୍ମଚାରୀମାନେ ନିଆଁକୁ ଆୟତ୍ତ କରିପାରିଛନ୍ତି । ମାତ୍ର ଏହା ପୂର୍ବରୁ ବହୁ ଜିନିଷ ପୋଡ଼ି ନଷ୍ଟ ହୋଇଯାଇଛି । ତେବେ ଏହି ଅଗ୍ନିକାଣ୍ଡର ପ୍ରକୃତ କାରଣ ଏଯାବତ୍ ଜଣାପଡ଼ିନାହିଁ। ତେବେ ସର୍ଟସର୍କିଟ ଯୋଗୁଁ ସେହି କୋଠାରେ ନିଆଁ ଲାଗିଥାଇପାରେ ବୋଲି ଅନୁମାନ କରାଯାଉଛି । ତେବେ ପୂର୍ବରୁ ମଧ୍ୟ ମୁମ୍ବାଇରେ ଅଗ୍ନିକାଣ୍ଡ ଘଟିଥିବାର ସୂଚନା ରହିଛି ।