ମା’, ଝିଅର ମୃତଦେହ ଜବତ
ମା’, ଝିଅର ମୃତଦେହ ଜବତ
admin
5115
ଖୋର୍ଦ୍ଧା: ଖୋର୍ଦ୍ଧା ଉପଖଣ୍ଡ ପାଟପୁର ଗାଁରେ ଝୁଲନ୍ତା ଅବସ୍ଥାରେ ଜଣେ ମହିଳା ଓ ତାଙ୍କ ୭ ବର୍ଷର ଝିଅଙ୍କ ମୃତଦେହ ପୁଲିସ ଜବତ କରିଛି । ଏହି ଘଟଣାକୁ ନେଇ ସମଗ୍ର ସହରରେ ଚାଞ୍ଚଲ୍ୟ ଖେଳିଯାଇଛି । ଅଧିକ ଯୌତୁକ ପାଇଁ ମହିଳାଙ୍କୁ ତାଙ୍କ ସ୍ୱାମୀ ମାରିଦେବା ମହିଳାଙ୍କ ବାପା ଅଶ୍ମିନୀ ପଣ୍ଡା ଥାନାରେ ଅଭିଯୋଗ କରିଛନ୍ତି । ପୁଲିସ ମହିଳାଙ୍କ ସ୍ୱାମୀ ଶିବ ପ୍ରସାଦ ପତିଙ୍କୁ ଅଟକ ରଖି ପଚରାଉଚରା କରୁଛି । ସୂଚନା ଅନୁସାରେ ଶିବ ପ୍ରସାଦ ପତି ସ୍ଥାନୀୟ ସବରେଜିଷ୍ଟ୍ରାର ଅଫିସରେ ମୋହରିର ଭାବେ କାର୍ଯ୍ୟ କରନ୍ତି । ତାଙ୍କ ବାପା ମଧ୍ୟ ସେଠାରେ ମୋହରିର ଭାବେ କାମ କରନ୍ତି । ଅପରାହ୍ନ ପ୍ରାୟ ସାଢେ଼ ୩ ଟା ବେଳେ ଶିବଙ୍କ ଘରର ଏକ ପ୍ରକୋଷ୍ଠରେ ତାଙ୍କ ପତ୍ନୀ ରାଜଶ୍ରୀ ଓ ତାଙ୍କର ୭ ବର୍ଷର ଝିଅ ସୁଶ୍ରୀ ଫ୍ୟାନରେ ଲୁଗା ଦ୍ୱାରା ଝୁଲୁଥିବା ନେଇ ପୁଲିସ ସୂଚନା ପାଇଥିଲା । ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଥିଲା । ଏହା ପରେ ରାଜଶ୍ରୀଙ୍କ ପିତା ଅଶ୍ୱିନୀ କୁମାର ପଣ୍ଡା ସୂଚନା ପାଇ ଘଟଣାସ୍ଥଳରେ ପହଞ୍ଚିଥିଳେ । ଏ ନେଇ ଶ୍ରୀ ପଣ୍ଡା ଥାନାରେ ଲିଖିତ ଅଭିଯୋଗ କରିଥିଲେ ଯେ ଶିବ ବିିଭିନ୍ନ ସମୟରେ ନିଶା ଖାଇ ରାଜଶ୍ରୀଙ୍କୁ ମାରଧର କରିବା ସହ ଝିଅ ଜନ୍ମ କରିଥିବାରୁ ଅଧିକ ଟଙ୍କା ବାପ ଘରୁ ଆଣିବାକୁ ଚାପ ପକାଉଥିଲେ । ରାଜଶ୍ରୀଙ୍କ ବାପା ଅଭିଯୋଗରେ ଦର୍ଶାଇଛନ୍ତି ଯେ ତାଙ୍କ ଝିଅ ଏଭଳି ଆତ୍ମହତ୍ୟା କରିପାରିବ ନାହିଁ । କୌଣସି ମା’ନିଜର ଝିଅକୁ ଏଭଳି ମାରିଦେଇ ନିଜ ମରିପାରିବ ନାହିଁ । ରାଜଶ୍ରୀର ସ୍ୱାମୀ ଓ ତାଙ୍କ ପରିବାର ସଦସ୍ୟ ମିଶି ଉଭୟଙ୍କୁ ହତ୍ୟା କରିଛନ୍ତି ବୋଲି ଶ୍ରୀ ପଣ୍ଡା ଅଭିଯୋଗ କରିଛନ୍ତି । ଘଟଣା ସମ୍ପର୍କରେ ଜିଲ୍ଲା ଆରକ୍ଷୀ ଅଧିକ୍ଷକ ରାଜ କିଶୋର ଦୋରାଙ୍କୁ ପଚାରିବାରେ ସେ କହିଛନ୍ତି ଯେ ଅଶ୍ୱିନୀ ପଣ୍ଡାଙ୍କ ଲିଖିତ ଅଭିଯୋଗ ଭିତ୍ତିରେ ୨୦୩/୨୦୨୧ରେ ଦଫା ୪୯୮-କ, ୩୦୨, ୩୦୪-ଖ, ୪ ଡିପି ଆଇନରେ ମାମଲା ରୁଜୁ କରାଯାଇଛି ।
