ମାର୍ଗଦର୍ଶିକା ନଥିବାରୁ ବରିଷ୍ଠ କର୍ମଚାରୀଙ୍କ ଅସନ୍ତୋଷ
ମାର୍ଗଦର୍ଶିକା ନଥିବାରୁ ବରିଷ୍ଠ କର୍ମଚାରୀଙ୍କ ଅସନ୍ତୋଷ
admin
5435
ଭୁବନେଶ୍ୱର: ରାଜ୍ୟ ସରକାର ମାର୍ଗଦର୍ଶିକା ପ୍ରକାଶ କରି ନଥିବାରୁ ବରିଷ୍ଠ ସରକାରୀ କର୍ମଚାରୀ ହନ୍ତସନ୍ତ ହେଉଛନ୍ତି । କେଉଁଠି ପଦୋନ୍ନତି ବନ୍ଦ ହୋଇଗଲାଣି ତ ଆଉ କେଉଁଠି ପଦୋନ୍ନତି ପାଇବାକୁ କର୍ମଚାରୀ ବଞ୍ଚିତ ହେଉଛନ୍ତି । ଯାହାକୁ ନେଇ କର୍ମଚାରୀଙ୍କ ମହଲରେ ଅସନ୍ତୋଷ ପ୍ରକାଶ ପାଇବା ସହିତ ସାଧାରଣ ପ୍ରଶାସନ ବିଭାଗ ବରିଷ୍ଠଙ୍କ ପାଇଁ ମାର୍ଗଦର୍ଶିକା ପ୍ରକାଶ କରିବାକୁ ଦାବି ହୋଇଛି । ତଥ୍ୟ ନେବାରେ ଜଣାପଡ଼ିଛି ବିଭିନ୍ନ ସେବାରେ ନିଯୁକ୍ତ କର୍ମଚାରୀଙ୍କ ପଦୋନ୍ନତି ନେଇ ସାଧାରଣ ପ୍ରଶାସନ ବିଭାଗ ସଂଗଠିତ ମାର୍ଗଦର୍ଶିକା ପ୍ରକାଶ କରିଥାଏ । ରାଜ୍ୟର ସମସ୍ତ ସରକାରୀ ଅଫିସରେ କର୍ମଚାରୀଙ୍କ ବରିଷ୍ଠତା ତାଲିକା ସେହି ମାର୍ଗଦର୍ଶିକା ଅନୁଯାୟୀ ପ୍ରସ୍ତୁତ କରାଯାଇଥାଏ । ଶେଷଥର ପାଇଁ ସାଧାରଣ ପ୍ରଶାସନ ବିଭାଗ ୨୦୦୦ ମସିହାରେ ମାର୍ଗଦର୍ଶିକା ପ୍ରକାଶ କରିଥିଲା । ଯାହାକି ସବୁ କ୍ଷେତ୍ର ପାଇଁ ପର୍ଯ୍ୟାପ୍ତ ନଥିଲା । ଏହା ଭିତରେ ୨୦ ବର୍ଷ ବିତିଯାଇଥିଲେ ବି ନୂଆ ମାର୍ଗଦର୍ଶିକା ପ୍ରକାଶ ପାଇନାହିଁ । ଏପରିକି ଏ ସର୍ମ୍ପକରେ ଓଡ଼ିଶା ହାଇକୋର୍ଟଙ୍କ ରାୟ କାର୍ଯ୍ୟକାରୀ ହୋଇନଥିବା ନେଇ କର୍ମଚାରୀମାନେ ଅଭିଯୋଗ କରିଛନ୍ତି ।
