ପରୀ ହତ୍ୟା ମାମଲା, ଯୁବକଙ୍କୁ ଉଠାଇ ନେବା ବେଳେ ଏସଆଇଟିକୁ ବିରୋଧ
ପରୀ ହତ୍ୟା ମାମଲା, ଯୁବକଙ୍କୁ ଉଠାଇ ନେବା ବେଳେ ଏସଆଇଟିକୁ ବିରୋଧ
admin
4624
ନୟାଗଡ଼: ପରୀର ଗାଁ ନୟାଗଡ଼ର ଯଦୁପୁରରେ ଏସଆଇଟି (ସ୍ୱତନ୍ତ୍ର ତଦନ୍ତକାରୀ ଦଳ)କୁ ବିରୋଧର ସମ୍ମୁଖୀନ ହେବାକୁ ପଡ଼ିଛି । ଏସଆଇଟି ଟିମ ଜଣେ ଯୁବକଙ୍କୁ ଆଣିବାକୁ ଯାଇଥିବା ବେଳେ ଗ୍ରାମବାସୀ ବିରୋଧ କରିଥିଲେ । ଫଳରେ ଏସଆଇଟିକୁ ଖାଲି ହାତରେ ଆସିବାକୁ ପଡ଼ିଛି । ଏଭଳି ଘଟଣାକୁ କେନ୍ଦ୍ର କରି ଗ୍ରାମବର ସବର୍ଣ୍ଣ ଓ ଅସବର୍ଣ୍ଣ ସାହିତ ମଧ୍ୟରେ ପାଚେରୀ ସୃଷ୍ଟି ହୋଇଛି । ତଦନ୍ତ ଆଳରେ ଏସଆଇଟି ଯୁବକମାନଙ୍କୁ ମନଇଚ୍ଛା ଥାନାକୁ ଡକାଉଥିବା ଅସବର୍ଣ୍ଣ ସାହିର ଲୋକ ଅଭିଯୋଗ କରିଛନ୍ତି । ଯଦୁପୁର ଗ୍ରାମର ସବର୍ଣ୍ଣ ସାହି ଅର୍ଥାତ ପରୀ ପରିବାର ବାସ କରୁଥିବା ସାହିର ଲୋକଙ୍କ ବିଷୟରେ ଏସଆଇଟି ପୂର୍ବରୁ ତଥ୍ୟ ସଂଗ୍ରହ କରିସାରିଛି । ଏହି ସାହିର ୪୦ରୁ ଅଧିକ ଯୁବକଙ୍କ ରକ୍ତ ନମୁନା ସଂଗ୍ରହ କରିଛି । ଗତ ସୋମବାର ଅସବର୍ଣ୍ଣ ସାହିର ୭୦ ପରିବାର ସମ୍ପର୍କରେ ଘରକୁ ଘର ବୁଲି ଏସଆଇଟି ତଥ୍ୟ ସଂଗ୍ରହ କରିଥିଲା । ସମସ୍ତଙ୍କ ଫୋନ ନମ୍ବର ଆଣିଥିଲା । ଅସବର୍ଣ୍ଣ ସାହି ଲୋକ ତସନ୍ତ ପ୍ରକି୍ରୟାରେ ସହଯୋଗ କରିଥିଲେ । କିନ୍ତ ଗତକାଲି ଅଧରାତିରେ ଥାନା କର୍ମଚାରୀ ପୁଣି ଥରେ ଯାଇ କବାଟ ବାଡେ଼ଇଥିଲେ । ପୁଲିସର ରାତି ଅଧିଆ ଚଢ଼ଉକୁ ନେଇ ଉତ୍ତେଜନା ପ୍ରକାଶ ପାଇଥିଲା । ସକାଳେ ଏସଆଇଟି ସଦସ୍ୟ ପୁଣି ଥରେ ଅସବର୍ଣ୍ଣ ସାହିରେ ପହଞ୍ଚି ମାଗି ନାହାକଙ୍କ ପୁଅ ମାନସ ନାହାକଙ୍କୁ ସଦର ଥାନାକୁ ନେବା ପାଇଁ ଉଦ୍ୟମ କରିଥିଳେ । ଗ୍ରାମବାସୀ ଏହାର ପ୍ରବଳ ବିରୋଧ କରିଥିଲେ । ଫଳରେ ଏସଆଇଟି ଟିମ ମାନସଙ୍କୁ ନେବାକୁ ସକ୍ଷମ ହୋଇନଥିଲ । ମାନସ ତଥା ସାହିବାସୀଙ୍କ କହିବା ଅନୁଯାୟୀ ପରୀ ପାଇଁ ଆମେ ରାସ୍ତାରୋକ କରିଥିଲୁ । ଆମେ ତାକୁ ନ୍ୟାୟ ଦୋବକୁ ଆଗଭର ହୋଇଥିବା ବେଳେ ସବର୍ଣ୍ଣ ସାହିର ବାବୁଲି ନାୟକଙ୍କ ଠାରୁ ଆରମ୍ଭ କରି ଅନ୍ୟମାନେ ଘଟଣା ଚପାଇ ଦେବାକୁ ଉଦ୍ୟମ କରିଥିଲେ । ଏସଆଇଟି ସନ୍ଦିଗ୍ଧମାନଙ୍କ ପଛରେ ନ ପଡ଼ି ଆମକୁ ହଇରାଣ କରୁଥିବା ଅଭିଯୋଗ କରିଛନ୍ତି ।
