ମାନବପ୍ରେମୀ ଆଦିତ୍ୟ ଦାଶଙ୍କ ମୃତୁ୍ୟ ଘଟଣା : ଏପି୍ରଲ ୧୫ରେ ହେବ ପରବର୍ତ୍ତୀ ଶୁଣାଣି
ମାନବପ୍ରେମୀ ଆଦିତ୍ୟ ଦାଶଙ୍କ ମୃତୁ୍ୟ ଘଟଣା : ଏପି୍ରଲ ୧୫ରେ ହେବ ପରବର୍ତ୍ତୀ ଶୁଣାଣି
admin
5909
କଟକ: ମାନବପ୍ରେମୀ ଆଦିତ୍ୟ ଦାଶଙ୍କ ମୃତୁ୍ୟ ଘଟଣାର ସିବିଆଇ ତଦନ୍ତ ପାଇଁ ରୁଜୁ ମାମଲାର ଜଷ୍ଟିସ ବିଶ୍ୱଜିତ ମହାନ୍ତିଙ୍କୁ ନେଇ ଗଠିତ ଖଣ୍ଡପୀଠରେ ଶୁଣାଣି ହୋଇଛି । ଆଦିତ୍ୟଙ୍କ ମୃତଦେହ ଉଦ୍ଧାର ସମ୍ପର୍କିତ ଇନକ୍ୱେଷ୍ଟ ରିପୋର୍ଟ ଓ ଶବ ବ୍ୟବଚ୍ଛେଦ ରିପୋର୍ଟ ଉପରେ ଯୁକ୍ତି ଉପସ୍ଥାପନ କରାଯାଇଥିଲା । ଶୁଣାଣି ଅଧା ରହିଥିବା ବେଳେ ଏପି୍ରଲ ୧୫ରେ ପରବର୍ତ୍ତୀ ଶୁଣାଣି ହେବ । ପ୍ରକାଶ ଯେ ପୁଲିସ ତଦନ୍ତରେ ଅସନ୍ତୋଷ ପ୍ରକାଶ କରି ଆଦିତ୍ୟଙ୍କ ମା ପଦ୍ମାଳୟା ଦାସ, ବାପା ଓ ପତ୍ନୀ ବିଦ୍ୟାଶ୍ରୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଘଟଣାରେ ସିବିଆଇ ତଦନ୍ତ ପାଇଁ ପ୍ରାର୍ଥନା କରାଯାଇଥିଲା । ପରେ ଆଦିତ୍ୟଙ୍କ ମୃତୁ୍ୟ ଘଟଣାର ସିବିଆଇ ତଦନ୍ତ ପାଇଁ ହାଇକୋର୍ଟରେ ପୁଣି ମାମଲା ରୁଜୁ ହୋଇଥିଲା । ଆଦିତ୍ୟଙ୍କୁ ହତ୍ୟା ଅଭିଯୋଗ ନେଇ ଜିଆରପି ଥାନରେ ରୁଜୁ ଅଭିଯୋଗ ସହ ପରବର୍ତ୍ତୀ ସମୟରେ କ୍ରାଇମବ୍ରାଞ୍ଚ ଏ ନେଇ ଦାୟର ମାମଲାର ତଦନ୍ତ ଭାର ସିବିଆଇକୁ ହସ୍ତାନ୍ତର ପାଇଁ ପ୍ରାର୍ଥନା ହୋଇଥିଲା ।
