ମଧ୍ୟପ୍ରଦେଶରେ ୬୦ ଘଂଟିଆ ଲକଡାଉନ ଘୋଷଣା

Apr 8, 2021 - 08:06 Updated: Apr 8, 2021 - 08:06

4974

ଭୋପାଳ: କରୋନା ସଂକ୍ରମଣ ଭିତରେ ଏକ ବଡ଼ ଖବର ସାମନାକୁ ଆସିଛି । କରୋନାର ଦ୍ୱିତୀୟ ଲହରୀ ଅବସରରେ ବର୍ତ୍ତମାନ ସୁଦ୍ଧା କିଛି ରାଜ୍ୟରେ କର୍ଫୁ୍ୟ ଜାରି ହୋଇଆସୁଥିବାବେଳେ ମଧ୍ୟପ୍ରଦେଶରେ ଲକଡାଉନ ଘୋଷଣା କରାଯାଇଛି । ସମସ୍ତ ସହରାଞ୍ଚଳରେ ୬୦ ଘଣ୍ଟା ପାଇଁ ଲକଡାଉନ ଘୋଷଣା କରାଯାଇଛି । ଶୁକ୍ରବାର ସନ୍ଧ୍ୟା ୬ଟାରୁ ସୋମବାର ସକାଳ ୬ଟା ଯାଏଁ ଲକଡାଉନ ଘୋଷଣା କରାଯାଇଛି । ପୂର୍ବରୁ ମଧ୍ୟପ୍ରଦେଶ ସରକାର ସହରାଞ୍ଚଳ ମାନଙ୍କରେ ନାଇଟ କର୍ଫୁ୍ୟ ଘୋଷଣା କରିଥିଲେ । ଏହାଛଡ଼ା ୧୩ଟି ସହରରେ ରବିବାର ଲକଡାଉନ ହେବ ବୋଲି କୁହାଯାଇଥିଲା । ଏତଦବ୍ୟତୀତ ଅଫିସଗୁଡ଼ିକ ଆସନ୍ତା ୩ ମାସ ଧରି ଶନିବାର ଓ ରବିବାର ସମ୍ପୂର୍ଣ୍ଣଭାବେ ବନ୍ଦ ରହିବ ବୋଲି ଘୋଷଣା କରାଯାଇଥିଲା । ଗତ ୨୪ ଘଣ୍ଟା ମଧ୍ୟରେ ମଧ୍ୟପ୍ରଦେଶରେ ୪୦୪୩ କରୋନା ସଂକ୍ରମିତ ଚିହ୍ନଟ ହେବା ପରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ସମସ୍ତ ସହରାଞ୍ଚଳରେ ୬୦ ଘଣ୍ଟା ପାଇଁ ଲକଡାଉନ ଘୋଷଣା କରିଛନ୍ତି ।