ମଣିପୁରରେ ସେନା ଉପରକୁ ଆକ୍ରମଣ : ୩ ଯବାନ ଶହୀଦ

Jul 30, 2020 - 07:32 Updated: Jul 30, 2020 - 07:32

6477

ମଣିପୁରରେ ସେନା ଉପରକୁ ଆକ୍ରମଣ : ୩ ଯବାନ ଶହୀଦ

ଇମ୍ଫାଲ : ଉତ୍ତର ପୂର୍ବୀୟ ରାଜ୍ୟ ମଣିପୁରରେ ଭାରତୀୟ ଯବାନଙ୍କ ଉପରକୁ ଆକ୍ରମଣ କରାଯାଇଥିବା ବେଳେ ୩ ଜଣ ଯବାନ ଶହୀଦ ହୋଇଛନ୍ତି । ମିଆଁମାର ସୀମାନ୍ତରେ ରହିଥିବା ଚାନେ୍ଦଲ ଜିଲ୍ଲାରେ ସେନା ଉପରକୁ ଏହି ବର୍ବର ଆକ୍ରମଣ କରାଯାଇଛି । ଇମ୍ଫାଲର ଦକ୍ଷିଣରେ ଅବସ୍ଥିତ ଚାନେ୍ଦଲର ସାଜିକ୍ ଟମ୍ପକ ଅଞ୍ଚଳରେ ଏହି ଆକ୍ରମଣ ଘଟିଥିଲା । ବୁଧବାର ପ୍ୟାଟ୍ରୋଲି ସମାପ୍ତ କରି ଫେରୁଥିବା ସମୟରେ ଆସାମ ରେଜିମେଣ୍ଟର ଯବାନଙ୍କ ଉପରକୁ ଆକ୍ରମଣ କରାଯାଇଥିଲା । ଆକ୍ରମଣରେ ଆଇଇଡି ବିସ୍ଫୋରକ ବ୍ୟବହୃତ ହୋଇଥିବା ସେନା ପକ୍ଷରୁ କୁହାଯାଇଛି । ଏହିସ ଘଟଣାରେ ୩ ଯବାନ ଶହୀଦ ହୋଇଥିବା ବେଳେ ଅନ୍ୟ ୬ ଜଣ ଯବାନ ଆହତ ହୋଇଛନ୍ତି । ଆହତ ଯବାନ ମାନଙ୍କୁ ପଶ୍ଚିମ ଇମ୍ଫାଲର ସେନା ହସ୍ପିଟାଲରେ ଭର୍ତ୍ତି କରାଯାଇଛି । କୌଣସି ସଙ୍ଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରି ନାହାନ୍ତି ।