ଭାରତ-ନ୍ୟୁଜିଲାଣ୍ଡ ସେମିଫାନାଲ ଲଢେଇ

Jul 9, 2019 - 06:21 Updated: Jul 9, 2019 - 06:21

2460

ମାଂଚେଷ୍ଟର:ଆଜି ଭାରତ ଓ ନ୍ୟୁଜିଲାଣ୍ଡ ପ୍ରଥମ ସେମିଫାଇନାଲ ମ୍ୟାଚ ଖେଳାଯିବ । ନ୍ୟୁଜିଲାଣ୍ଡ ଗତବର୍ଷର ରନର୍ସଅପ୍ ଏବଂ ଭାରତ ଚଳିତ ବର୍ଷ ବିଶ୍ୱକପ୍ ଜିତିବାକୁ ଅନ୍ୟତମ ଫେଭରିଟ୍ । ୨୦୦୩ ପରଠାରୁ ବିଶ୍ୱକପରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ମୁକାବିଲା ହେବାକୁ ଯାଉଛି । ଇତିହାସରେ ଦୁଇ ଦଳ ପ୍ରଥମ ଥର ସେମିଫାନାଲରେ ପରସ୍ପରକୁ ଭେଟିବାକୁ ଯାଉଛନ୍ତି । ବିଶ୍ୱକପରେ ଭାରତ ଓ ନ୍ୟୁଜିଲାଣ୍ଡ ପରସ୍ପରକୁ ୮ଥର ଭେଟିଛନ୍ତି । ଏଥିରେ ନ୍ୟୁଜିଲାଣ୍ଡ ୪ଟି ଜିତି ଥିବାବେଳେ ଭାରତ ୩ଟି ଜିତିଛି । ଗୋଟିଏ ମ୍ୟାଚ ବର୍ଷା ଯୋଗୁଁ ଧୋଇ ଯାଇଥିଲା । ତେବେ ଇଂଲଣ୍ଡ ମାଟିରେ ନ୍ୟୁଜିଲାଣ୍ଡକୁ ଭାରତ କେବେବି ହରାଇନାହିଁ। ଏହି ଦୃଷ୍ଟିରୁ ଭାରତ ପାଖରେ ମଙ୍ଗଳବାର ନୂଆ ଇତିହାସ ରଚିବାର ସୁଯୋଗ ରହିବ। ସୂଚନାଯୋଗ୍ୟ ଯେ ଭାରତ ପଏଣ୍ଟ ତାଲିକାର ପ୍ରଥମ ସ୍ଥାନରେ ରହି ସେମିଫାଇନାଲ୍ ଯାଇଛି। ଅନ୍ୟପକ୍ଷରେ ନ୍ୟୁଜିଲାଣ୍ଡ ଚତୁର୍ଥ ସ୍ଥାନ ପ୍ରଦର୍ଶନରେ ଏହି ପର୍ଯ୍ୟାୟକୁ ଉନ୍ନୀତ ହୋଇଛି। ଦୁଇ ଦଳ ମଧ୍ୟରେ ଖେଳା ଯାଇଥିବା ଲିଗ୍ ପର୍ଯ୍ୟାୟ ମ୍ୟାଚ୍ ବର୍ଷା ପାଇଁ ବାତିଲ ହୋଇ ଯାଇଥିଲା।