ବୃଦ୍ଧଙ୍କ ଆତ୍ମହତ୍ୟା, ୭ ସ୍ତ୍ରୀ ବିଧବା

Jan 12, 2021 - 11:23 Updated: Jan 12, 2021 - 11:23

3574

କଟକ: ଜଣେ ୭୫ ବର୍ଷୀୟ ବୃଦ୍ଧ ଆତ୍ମହତ୍ୟା କରିଛନ୍ତି । କିନ୍ତୁ ଚର୍ଚ୍ଚାର ପ୍ରସଙ୍ଗ ହେଉଛି, ତାଙ୍କର ମୃତୁ୍ୟରେ ୭ ଜଣ ମହିଳା ବିଧବା ହୋଇଛନ୍ତି । ସୂଚନା ଅନୁସାରେ ଆତ୍ମହତ୍ୟା କରିଥିବା ନେପାଳ ନାୟକ ପୂର୍ବରୁ ୬ ଜଣ ମହିଳାଙ୍କୁ ବିବାହ କରିଥିଲେ । ୭ମ ଥର ଆଉ ଜଣେ ମହିଳାଙ୍କୁ ବିବାହ କରିବା ପରେ ପରିବାର ଭିତରେ ବିବାଦ ସୃଷ୍ଟି ହୋଇଥିଲା । ଏହି ବିବାଦକୁ କେନ୍ଦ୍ର କରି ବୃଦ୍ଧ ବେକରେ ଓଢ଼ଣୀ ବାନ୍ଧି ଆତ୍ମହତ୍ୟା କରିବା ଭଳି ଘଟଣା ବିଡାନାସୀ ଡଅଁଳା ସାହିରେ ଚର୍ଚ୍ଚା ସୃଷ୍ଟି ହୋଇଛି । ବିଡନାସୀ ଡଅଁଳା ସାହିର ନେପାଳ ୬ ଜଣଙ୍କୁ ବିବାହ କରି ସେହି ସାହିରେ ରଖିଥିଲେ । ଗଲ ଏକ ମାସ ତଳେ ସେହି ସାହିର ଜଣେ ବିଧବା ମହିଳାଙ୍କ ସହିତ ପ୍ରେମ ସମ୍ପର୍କ ଯୋଡ଼ି କେଉଁଆଡେ ଚାଲିଯାଇଥିଳେ । ନିକଟରେ ଘରକୁ ଫେରିବା ପରେ ବିବାହକୁ କେନ୍ଦ୍ର କରି ଘରେ ବିଶୃଙ୍ଖଳା ସୃଷ୍ଟି ହୋଇଥିଲା । ଏହି ଘଟଣାକୁ କେନ୍ଦ୍ର କରି ଅପରାହ୍ନ ପ୍ରାୟ ୪ଟା ବେଳେ ନେପାଳ ଘର ଭିତର ପଟୁ ବନ୍ଦ କରି ବେକରେ ଓଢ଼ଣୀ ଗୁଡାଇ ଆତ୍ମହତ୍ୟା କରିଥିଲେ । ଏ ସଂକ୍ରାନ୍ତରେ ତାଙ୍କ ପ୍ରଥମ ସ୍ତ୍ରୀର ପୁତ୍ର ମିଟୁ ନାୟକ ବିଡାନାସୀ ଥାନାରେ ଅଭିଯୋଗ କରିଛନ୍ତି । ପୁଲିସ ଶବ ଉଦ୍ଧାର କରି ବଡ଼ ମେଡିକାଲ ପଡାଇବା ସହିତ ଏକ ଅପମୃତୁ୍ୟ ମାମଲା ରୁଜୁ କରିଥିବା ସୂଚନା ମିଳିଛି ।