ବିନା ହେଲମେଟରେ ଯାତ୍ରା କରୁଥିଲେ ସାବଧାନ : ବାତିଲ ହେବ ଡ୍ରାଇଭିଂ ଲାଇସେନ୍ସ
ବିନା ହେଲମେଟରେ ଯାତ୍ରା କରୁଥିଲେ ସାବଧାନ : ବାତିଲ ହେବ ଡ୍ରାଇଭିଂ ଲାଇସେନ୍ସ
admin
4226
ଭୁବନେଶ୍ୱର : ଯଦି ଆପଣ ବିନା ହେଲମେଟରେ ଯାତ୍ରା କରୁଥାନ୍ତି ତେବେ ସାବଧାନ ହୋଇଯାନ୍ତୁ । ଏଣିକି ବିନା ହେଲମେଟରେ ଯାତ୍ରା କଲେ ଆପଣଙ୍କ ଡ୍ରାଇଭିଂ ଲାଇସେନ୍ସ ବାତିଲ ହୋଇପାରେ । ଓଡିଶା ରାଜ୍ୟ ପରିବହନ ସଚିବ ମଧୂସୁଦନ ପାଢୀ ଏ ସମ୍ପର୍କିତ ବିଜ୍ଞପ୍ତି ଜାରି କରିଛନ୍ତି । ଡିଜିପି ଅଭୟ ଏବଂ ପରିବହନ କମିଶନର ସଞ୍ଜୀବ ପଣ୍ଡାଙ୍କ ନିକଟକୁ ଏହି ବିଜ୍ଞପ୍ତି ପଠାଯାଇଛି ।
ଯଦି କୌଣସି ଯାତ୍ରୀ ବିନା ହେଲମେଟରେ ଯାତ୍ରା କରନ୍ତି ତେବେ ୩ ମାସ ପର୍ଯ୍ୟନ୍ତ ତାଙ୍କର ଡ୍ରାଇଭିଂ ଲାଇସେନ୍ସ ବାତିଲ କରାଯିବ । ସମସ୍ତ ଆରଟିଓ ମାନଙ୍କୁ ଏ ସମ୍ପର୍କରେ ନିଦେ୍ର୍ଧଶ ଦିଆଯାଇଥିବା ବେଳେ ଏହାକୁ କଡାକଡି ପାଳନ କରିବା ପାଇଁ ନିଦେ୍ର୍ଧଶ ଦିଆଯାଇଛି ।
ଉଲ୍ଲେଖଯୋଗ୍ୟ ଯେ, ୨୦୧୯ରେ ଓଡିଶାରେ ସମୁଦାୟ ୧୧୦୬୪ଟି ଦୁର୍ଘଟଣା ଘଟିଥିବା ବେଳେ ଏହା ମଧ୍ୟରୁ ୪୬୮୮ଟି ଦୁର୍ଘଟଣାରେ ଦୁଇ ଚକିଆ ଯାନ ରହିଥିଲା । ଏହି ଦୁର୍ଘଟଣାରେ ସମୁଦାୟ ୨୩୯୮ ଜଣଙ୍କ ପ୍ରାଣହାନି ଘଟିଥିବା ବେଳେ ତା’ମଧ୍ୟରୁ ୨୧୫୬ ଜଣ ବିନା ହେଲମେଟରେ ଯାତ୍ରା କରୁଥିଲେ ।
