ବିଧାୟକ ପ୍ରଦୀପ, ପାଠକ ବାପ-ପୁଅଙ୍କ ନାଁରେ ନୂଆ ମାମଲା
ବିଧାୟକ ପ୍ରଦୀପ, ପାଠକ ବାପ-ପୁଅଙ୍କ ନାଁରେ ନୂଆ ମାମଲା
admin
5948
ବ୍ରହ୍ମପୁର: ଟାଟା ମୋଟର୍ସରେ ଚାକିରି ନାଁରେ ଟଙ୍କା ଠକେଇ ଘଟଣାରେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଓ ଆଇଏଫଏସ ଅଧିକାରୀ ଅଭୟକାନ୍ତ ପାଠକ ଏବଂ ତାଙ୍କ ପୁଅ ଆକାଶ ପାଠକଙ୍କ ନାମରେ ପୁଣି ଏକ ମାମଲା ରୁଜୁ ହୋଇଛି । ଟାଟା ମୋଟର୍ସରେ ଚାକିରି ଦେବା ପାଇଁ ୬ ଲକ୍ଷ ଟଙ୍କା ଠକେଇ କରିଥିବା ନେଇ ବୈଦ୍ୟନାଥପୁର ଥାନାରେ କେସ ନମ୍ବର ୮୧/୨୧ ରେ ମାମଲା ରୁଜୁ ହୋଇଛି । ଗତ ୨୦୨୦ ରେ ବ୍ରହ୍ମପୁରର ପୁଲିସ କନଷ୍ଟେବଲ କାର୍ତ୍ତିକ ପ୍ରଧାନ ନାମକ ଜଣେ ବ୍ୟକ୍ତିଙ୍କ ପୁଅ ଟାଟା ମୋଟର୍ସରେ ଚାକିରି ପାଇଁ ଅନଲାଇନରେ ଆବେଦନ କରିଥିଲେ । ଚାକିରି ପାଇଁ ସେ ଯୋଗ୍ୟ ବିବେଚିତ ହେବା ପରେ ତାଙ୍କୁ ପ୍ରଶିକ୍ଷଣ ପାଇଁ ଚିଠି ଆସିଥିଲା । ଏହା ପରେ କାର୍ତ୍ତିକ ଏସବିଆଇ ବ୍ୟାଙ୍କରୁ ୬ ଲକ୍ଷ ଟଙ୍କା ଋଣ ଆଣିଥିଲେ । ଚାକିରି ପାଇଁ ସେ ୬ ଲକ୍ଷ ବିଧାୟକ ପ୍ରଦୀପଙ୍କୁ ଦେଇଥିବା କାର୍ତ୍ତିକ ତାଙ୍କର ଏତଲାରେ ଦର୍ଶାଇଛନ୍ତି । ଟଙ୍କା ଦେବା ପରେ ମଧ୍ୟ ଚାକିରି ମିଳିନଥିଲା । ଏଣୁ କାର୍ତ୍ତିକ ଏହି ଠକେଇ ମାମଲାକୁ ନେଇ ବିଧାୟକ ପ୍ରଦୀପ ଓ ପାଠକ ବାପ ପୁଅଙ୍କ ନାମରେ ବୈଦ୍ୟନାଥପୁର ଥାନାରେ ଅଭିଯୋଗ କରିଛନ୍ତି । ପୁଲିସ ଏ ଦିଗରେ ଅନୁସନ୍ଧାନ ଜାରି ରଖିଛି ।
