ବିଜେପିର ସିଏଏ କର୍ମଶାଳା
ବିଜେପିର ସିଏଏ କର୍ମଶାଳା
admin
2132
ଭୁବନେଶ୍ୱର - ସିଏଏ ଯୋଡ଼ିବାର ବ୍ୟବସ୍ଥା, ଭାଙ୍ଗିବାର ବ୍ୟବସ୍ଥା ନୁହେଁ । ସିଏଏ ଦ୍ୱାରା ଭାରତରେ ଥିବା ମୁସଲମାନଙ୍କର କୌଣସି ଅସୁବିଧା ହେବ ନାହିଁ ବୋଲି କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ କହିଛନ୍ତି । ବିଜେପିର ଜନଜାଗରଣ ନେଇ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଏହା କହିଛନ୍ତି ।
ସେ କହିଛନ୍ତି ଯେ, ସିଏଏ ବିରୋଧରେ କଂଗ୍ରେସ ଅପପ୍ରଚାର ଆରମ୍ଭ କରିଛି । ଏକ ଐତିହାସିକ ଭୁଲକୁ ସୁଧାରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାହସିକ ପଦକ୍ଷେପ ନେଇଛନ୍ତି । ଧର୍ମୀୟ ଆଧାରରେ ଦେଶକୁ ବିଭାଜନ କରାଯାଇଥିଲା । ସେ ସମୟରେ ପାକିସ୍ତାନରୁ ଅନେକ ଲୋକ ଚାଲି ଆସିଥିଲେ । ପରେ ବାଂଲାଦେଶ ଓ ଆଫଗାନିସ୍ତାନରୁ ବହୁତ ସଂଖ୍ୟାଲଘୁ ଆସିଲେ । ୭୦ ବର୍ଷ ହେଲା ସେମାନେ ଶରଣାର୍ଥୀ ଭାବେ ନିର୍ଯାତିତ ହେଉଛନ୍ତି । ୬ଟି ବର୍ଗର ସଂଖ୍ୟାଲଘୁଙ୍କୁ ମୋଦି ନାଗରିକତା ଦେବାକୁ ନିଷ୍ପତ୍ତି ନେଇଛନ୍ତି । ଅସହିଷ୍ଣୁ ହୋଇ କଂଗ୍ରେସ ଏହା ବିରୋଧରେ ଅପପ୍ରଚାର ଆରମ୍ଭ କରିଛି । ଅତୀତରେ ଇନ୍ଦିରା ଗାନ୍ଧୀ ବାଂଲାଦେଶୀଙ୍କୁ ନାଗରିକତା ଦେଇଛନ୍ତି । ପ୍ରଧାନମନ୍ତ୍ରୀ ହିଂସାରୁ ନିବୃତ୍ତ ପାଇଁ ଅପିଲ କରିଛନ୍ତି । ଆମ ରାଜ୍ୟରେ ସେପରି କିଛି ହୋଇନି । ମାତ୍ର କିଛି ବନ୍ଧୁ ଉସକାଉଛନ୍ତି । ଜାନୁଆରୀରେ ଦେଶରେ ୩ କୋଟି ପରିବାରକୁ ସଚେତନ କରାଯିବ । ପଞ୍ଚାୟତସ୍ତରରେ ଲୋକଙ୍କୁ ସଚେତନ କରାଯିବ । ସିଏଏ ମୁସଲମାନ ବିରୋଧୀ ବୋଲି ଅପପ୍ରଚାର ଚାଲିଛି । ସିଏଏ ଯୋଡ଼ିବାର ବ୍ୟବସ୍ଥା, ଭାଙ୍ଗିବାର ବ୍ୟବସ୍ଥା ନୁହେଁ ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି ।
