ବିଜେପି ନେତୃତ୍ୱାଧୀନ ଏନଡିଏରୁ ଓହରିଲା ଗୋଆ ଫରୱାର୍ଡ ପାର୍ଟି
ବିଜେପି ନେତୃତ୍ୱାଧୀନ ଏନଡିଏରୁ ଓହରିଲା ଗୋଆ ଫରୱାର୍ଡ ପାର୍ଟି
admin
3693
ପାଣାଜୀ: ଗୋଆ ଫରୱାର୍ଡ ପାର୍ଟି (ଜିଏଫପି) କେନ୍ଦ୍ର ଶାସନରେ ଥିବା ବିଜେପି ନେତୃତ୍ୱାଧୀନ ଏନଡିଏରୁ ଓହରି ଯାଇଛି । ବିଜେପିର ବିଭେଦ ସୃଷ୍ଟିକାରୀ ନୀତିକୁ ନେଇ ଏହା ବିତସ୍ପୃହ ହୋଇପଡ଼ିଥିବା ଦଳ ସଭାପତି ବିଜୟ ସରଦେଶାଇ କହିଛନ୍ତି । ଏ ସଂକ୍ରାନ୍ତରେ ସେ ମଙ୍ଗଳବାର ବିଜେପି ନେତା ତଥା ଏନଡିଏ ଅଧ୍ୟକ୍ଷ ଅମିତ ଶାହାଙ୍କୁ ପତ୍ର ଯୋଗେ ଜଣାଇ ଦେଇଛନ୍ତି । ଏନଡିଏ ଗୋଆର ସ୍ୱାର୍ଥ ରକ୍ଷା କ୍ଷେତ୍ରରେ ଦୟନୀୟ ଭାବେ ବିଫଳ ହୋଇଥିବା ସେ ପତ୍ରରେ ଉଲ୍ଲେଖ କରିଛନ୍ତି । ଦଳର କାର୍ଯ୍ୟକାରୀ କମିଟି ବୈଠକରେ ଏନଡିଏ ଛାଡ଼ିବା ସଂକ୍ରାନ୍ତ ନିଷ୍ପତ୍ତି ସର୍ବସମ୍ମତିକ୍ରମେ ଗ୍ରହଣ କରାଯାଇଥିବା ସରଦେଶାଇ କହିଛନ୍ତି । ଉଲ୍ଲେଖଯୋଗ୍ୟ ଯେ ମନୋହର ପରିକର ମୁଖ୍ୟମନ୍ତ୍ରୀ ଥିବା ବେଳେ ଗୋଆ ମିଳିତ ସରକାରରେ ସରଦେଶାଇ କ୍ୟାବିନେଟ ପାହ୍ୟା ମନ୍ତ୍ରୀ ଥିଲେ । ପରେ ସେ କିଛି କାଳ ପାଇଁ ଉପମୁଖ୍ୟମନ୍ତ୍ରୀ ହୋଇଥିଲେ । ବର୍ତ୍ତମାନର ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ତାଙ୍କ ଦଳକୁ ଅପମାନ ଜନକ ଭାବେ ମନ୍ତ୍ରିମଣ୍ଡଳରୁ ବାଦ ଦେଇଥିଲେ ।
