ବିଏସ୍ଏନ୍ଏଲ୍ ବିକିବ ୨୦୦୦୦ କୋଟିର ସମ୍ପତ୍ତି, ଡିଆଇପିଏଏମ୍କୁ ଦେଇଛି ୧୪ ସମ୍ପତ୍ତିର ତାଲିକା
ବିଏସ୍ଏନ୍ଏଲ୍ ବିକିବ ୨୦୦୦୦ କୋଟିର ସମ୍ପତ୍ତି, ଡିଆଇପିଏଏମ୍କୁ ଦେଇଛି ୧୪ ସମ୍ପତ୍ତିର ତାଲିକା
admin
3476
ନୂଆଦିଲ୍ଲୀ : ରାଷ୍ଟ୍ରାୟତ୍ତ ଭାରତ ସଞ୍ଚାର ନିଗମ ଲିମିଟେଡ (ବିଏସଏନ୍ଏଲ୍) ୨୦,୧୬୦ କୋଟି ଟଙ୍କା ମୂଲ୍ୟରେ ୧୪ଟି ସମ୍ପତ୍ତି ବିକ୍ରି କରିବ । ଏସବୁ ସମ୍ପତ୍ତିର ସବିଶେଷ ତଥ୍ୟ ଏହା ପୁଞ୍ଜିନିବେଶ ଓ ସରକାରୀ ସମ୍ପତ୍ତି ପରିଚାଳନା ବିଭାଗ (ଡିଆଇପିଏଏମ) ନିକଟରେ ଦାଖଲ କରିଛି । ବିଏସଏନ୍ଏଲ୍ ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ (ସିଏମଡି) ପିକେ ପୁରୱାର ଏହି ସୂଚନା ଦେଇଛନ୍ତି । ଅପରପକ୍ଷେ ସରକାରୀ ଅଧିକାରୀଙ୍କ ସୂଚନା ମୁତାବକ ଦକ୍ଷତା ବିକାଶ ମନ୍ତ୍ରାଳୟ ଏକ ଉପଯୁକ୍ତ ଜମି ଖୋଜୁଛି । ଗାଜିଆବାଦରେ ଥିବା ବିଏସଏନ୍ଏଲ୍ର ଏକ ଜମି ପାର୍ସଲକୁ ଟେଲିକମ୍ ବିଭାଗ ଦକ୍ଷତା ବିକାଶ ମନ୍ତ୍ରାଳୟକୁ ଯାଚିଛି । ଏହି ଜମିର ମୂଲ୍ୟ ପ୍ରାୟ ୨,୦୦୦ କୋଟି ଟଙ୍କା ହେବ ବୋଲି ଆକଳନ କରାଯାଉଛି ।
ଏ ସମ୍ପର୍କରେ ପଚରାଯିବାରୁ ବିଏସଏନ୍ଏଲ୍ ସିଏମଡି କହିଛନ୍ତି, ଡିଆଇପିଏଏ ଜରିଆରେ ୨୦,୦୦୦ କୋଟି ଟଙ୍କା ମୂଲ୍ୟରେ ମୋଟ ୧୪ଟି ସମ୍ପତ୍ତିକୁ ବିକ୍ରି ପାଇଁ ନିଗମ ପଦକ୍ଷେପ ଗ୍ରହଣ କରିଛି । ଏହି ଜମି ଗୁଡ଼ିକ ମୁମ୍ବାଇ, ଥିରୁଅନନ୍ତପୁରମ, ଚେନ୍ନାଇ, ଗାଜିଆବାଦ ସମେତ ଦେଶର ବିଭିନ୍ନ ଭାଗରେ ଅବସ୍ଥିତ । ସୂଚନା ଥାଉ କି, ରାଷ୍ଟ୍ରାୟତ୍ତ ବିଏସଏନ୍ଏଲ୍ ଓ ଏମଟିଏନ୍ଏଲ ପାଇଁ କେନ୍ଦ୍ର ସରକାର ଗତବର୍ଷ ଅକ୍ଟୋବରରେ ୬୯,୦୦୦ କୋଟି ଟଙ୍କାର ପୁନରୁଦ୍ଧାର ପ୍ୟାକେଜ ଅନୁମୋଦନ କରିଛନ୍ତି । ଏହା ଅଧୀନରେ ବିଏସଏନ୍ଏଲ୍ ଓ ଏମଟିଏନଏଲ୍ର ସମ୍ମିଶ୍ରଣ ସହ ସେମାନଙ୍କର ସମ୍ପତ୍ତିର ନବୀକରଣ ଓ କର୍ମଚାରୀଙ୍କୁ ଭିଆରଏସ୍ ପ୍ରଦାନ ଭଳି ଯୋଜନା ରହିଛି ।
