ବାଙ୍କୀରେ ସାଧାରଣ ଲୋକଙ୍କ ଜୀବନରେ ମୂଳଭୂତ ପରିବର୍ତନ ଆଣିବା ହିଁ ପ୍ରକୃତ ନେତୃତ୍ୱ : ଧର୍ମେନ୍ଦ୍ର ପ୍ରଧାନ
ବାଙ୍କୀରେ ସାଧାରଣ ଲୋକଙ୍କ ଜୀବନରେ ମୂଳଭୂତ ପରିବର୍ତନ ଆଣିବା ହିଁ ପ୍ରକୃତ ନେତୃତ୍ୱ : ଧର୍ମେନ୍ଦ୍ର ପ୍ରଧାନ
admin
6079
ଭୁବନେଶ୍ୱର : ବାଙ୍କୀରେ ସାଧାରଣ ଲୋକଙ୍କ ଜୀବନରେ ମୂଳଭୂତ ପରିବର୍ତନ ଆଣିବା ହିଁ ପ୍ରକୃତ ନେତୃତ୍ୱ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ବୁଧବାର ବାଙ୍କୀ ବରେନ୍ଦ୍ର କୃଷ୍ଣ ବିଦ୍ୟାପୀଠର ଶତବାର୍ଷିକୀ ଉଦଘାଟନ ସମାରୋହକୁ ଭିଡ଼ିଓ କନଫେରେନ୍ସିଂ ଜରିଆରେ ସମ୍ବୋଧିତ କରି ସେ ଏହା କହିଛନ୍ତି ।
କେନ୍ଦ୍ରମନ୍ତ୍ରୀ କହିଛନ୍ତିଯେ, ଦଳ, ମତ ନିର୍ବିଶେଷରେ ଆମେ ବାଙ୍କୀ ଅଂଚଳର ଲୋକଙ୍କ ଜୀବନରେ ମୂଳଭୂତ ପରିବର୍ତନ ଆଣିବା ଦରକାର । ଏହି ବିଦ୍ୟା ମନ୍ଦିର ଏକବିଂଶ ଶତାବ୍ଦୀରେ ନୂଆ ଅଧ୍ୟାୟ ଆରମ୍ଭ କଲେ ହିଁ ନିଜ ଯଥାର୍ଥତାକୁ ସାଧିତ କରିପାରିବ । ଟେକ୍ନୋଲୋଜି ମାଧ୍ୟମରେ ନୂଆ ଢ଼ାଂଚାରେ ବାଙ୍କୀକୁ ଆଦର୍ଶ ତଥା କୃଷି ଅର୍ଥନୀତିରେ ପରିଣତ କରିବା ଦିଗରେ ପୁରାତନ ଛାତ୍ରମାନେ ସାମୂହିକ ପ୍ରଚେଷ୍ଟା କରିବାକୁ ସେ ଆହ୍ୱାନ ଦେଇଥିଲେ । ସେହିପରି ମହାନଦୀ ଅବବାହିକାରେ ପ୍ରାକୃତିକ ସୌନ୍ଦର୍ଯ୍ୟର ପୃଷ୍ଠଭୂମିରେ ଅବସ୍ଥିତ ମା’ ଚର୍ଚ୍ଚିକାଙ୍କ ପୀଠ ପାଇଁ ଜଣାଶୁଣା ବାଙ୍କୀ ଅଂଚଳ ଉକôଳୀୟ ପରମ୍ପରା, କଳା, ସାହିତ୍ୟ, ସଂସ୍କୃତି ଓ ଚଷାଚାଷୀର ମାଟି ସହ ଜଡ଼ିତ । ବିଦ୍ୟାଳୟଟି ଆଜି ୧୦୦ ବର୍ଷ ପୂରଣ କରିବା ବିରଳ ତଥା ଗୌରବମୟ କୀର୍ତିମାନ ଏବଂ ପୂର୍ବଜଙ୍କ ପ୍ରଚେଷ୍ଟାର ପ୍ରମାଣ ବୋଲି ସେ କହିଥିଲେ ।
